بھارت اور جنوبی افریقہ کی ٹیموں کے درمیان فریڈم ٹرافی کا دوسرا ٹیسٹ میچ نیولینڈز کرکٹ گراؤنڈ پر کھیلا گیا جس میں وکٹوں کی جھڑی لگ گئی اور ٹیسٹ میچ صرف ڈیڑھ دن میں اختتام پذیر ہو گیا اور اس ٹیسٹ میچ کو ٹیسٹ کرکٹ کی تاریخ کا مختصر ترین ٹیسٹ میچ قرار دیا گیا۔
اس میچ میں میزبان جنوبی افریقہ کو بھارت کے ہاتھوں 7 وکٹوں سے شکست ہوئی لیکن شروع دن سے اس ٹیسٹ میچ کی پِچ پر سوالیہ نشان اُٹھ رہا تھا اور آئی سی سی نے میچ ریفری سے پچ رپورٹ طلب کی تھی، تاہم اب انٹرنیشل کونسل (آئی سی سی) نے اس پچ پر اپنا فیصلہ سنا دیا۔
انٹرنیشل کونسل (آئی سی سی) کی جانب سے نیو لینڈز کی پِچ کو ٹیسٹ میچ کلے لیے غیر تسلی بخش قرار دے دی گیا ہے، اس ٹیسٹ میچ کے میچ ریفری کرس براڈ نے آئی سی سی کو اپنی رپورٹ جمع کرواتے ہوئے پچ پر اپنے تحفظات کا اظہار کرتے ہوئے اس پچ کو بیٹنگ کے لیے غیر سازگار قرار دیا تھا جس کی روشنی میں آئی سی سی نے اپنا فیصلہ سنایا۔
The recently concluded shortest-ever Test in Cape Town has received an ICC pitch rating 👀#WTC25 | #SAvINDhttps://t.co/rkK47P8Y58
— ICC (@ICC) January 9, 2024
آئی سی سی قوانین کے مطابق نیولیڈز گراؤنڈ کو ایک ڈی میرٹ پوائنٹ دے دیا گیا، اگر کسی گراؤنڈ کو آئی سی سی کی جانب سے 6 ڈی میرٹ پوئنٹس مل جائیں تو وہ گراؤنڈ 12 ماہ تک کسی بھی بین القوامی میچ کی میزبانی سے محروم ہو جاتا ہے اور اگر 12 ڈی میرٹ پوائنٹس کی پینلٹی لگ جائے تو یہ محرومی 24 ماہ کی ہو جاتی ہے۔
جنوبی افریقہ کرکٹ بورڈ 14 روز کے اندر فیصلے کے خلاف اپیل کر سکتا ہے۔
