پاکستان سپرلیگ (پی ایس ایل) سیزن 8 کے 23 ویں میچ میں پشاور زلمی نے لاہور قلندرز کو 35 رنز سے شکست دے دی۔
راولپنڈی کرکٹ اسٹیڈیم میں کھیلے گئے میچ میں پشاور زلمی نے پہلے بیٹنگ کرتے ہوئے لاہور قلندرز کو208 رنز کاہدف دیا جب کہ جواب میں لاہور کی ٹیم 19اعشاریہ 4 اوورز میں 172 رنز بنا کر آؤٹ ہو گئی۔
OMARZAIII 👏🏽👏🏽#HBLPSL8 | #SabSitarayHumaray | #PZvLQ pic.twitter.com/wcytD956Gn
— PakistanSuperLeague (@thePSLt20) March 7, 2023
لاہور کی جانب سے حسین طلعت 63 اور شاہین آفریدی 52 رنز بناکر نمایاں رہے جبکہ پشاور زلمی کے وہاب ریاض اور ارشد اقبال نے تین تین کھلاڑیوں کوآؤٹ کیا۔
پشاور زلمی کے کپتان بابر اعظم نے ٹاس جیت کر پہلے بیٹنگ کافیصلہ کیا تھا اور مقررہ 20 اوورز میں ٹیم 208 رنز اسکور کیے جس میں صائم ایوب نے 36 گیندوں پر64 رنز اسکور کیے۔ کپتان بابر اعظم نے 50،محمدحارث نے 9،ٹام کوہلر نے 36 اوررومن پاول نے 9 رنز بنائے۔
لاہور قلندرز کے باؤلرراشد خان نے 2، حارث رؤف نے 2 اور کپتان شاہین شاہ آفریدی نے ایک وکٹ لی۔
واضح رہے کہ لاہور قلندرز کی ٹیم پشاور سے میچ ہارنے کے باوجود پوائنٹس ٹیبل میں پہلے نمبر پربراجمان ہے کیوں کہ لاہور قلندرز نے اب تک کھیلے گئے میچوں میں 8 میں سے 6 میں کامیابی حاصل کی جبکہ پشاورزلمی نے 7 میچز کھیلے اور 4 میں کامیاب رہی جس کے بعد وہ چوتھے نمبر پرموجودہے۔
