پاکستان تحریک انصاف نظریاتی کے چیئرمین اختر اقبال ڈار نے کہا ہے کہ پاکستان تحریک انصاف کی موجودہ قیادت کرپٹ ہے۔
نجی ٹی وی سے گفتگو کرتے ہوئے اختر اقبال ڈار نے کہاکہ پی ٹی آئی کی موجودہ ٹیم سے بات نہیں ہو سکتی، یہ سارے کرپٹ لوگ ہیں۔
اپنی گفتگو کے دوران انہوں نے کہاکہ میں بانی پی ٹی آئی عمران خان کے حوالے سے کچھ نہیں کہہ سکتا۔
پی ٹی آئی سے اتحاد سے متعلق ایک سوال کے جواب میں چیئرمین پی ٹی آئی نظریاتی نے کہاکہ بیرسٹر گوہر جیسے کرپٹ اور دو نمبر لوگ پاکستان تحریک انصاف پر قابض ہیں۔
یاد رہے کہ پاکستان تحریک انصاف نے قومی و صوبائی اسمبلی کے امیدواروں کو پی ٹی آئی نظریاتی کے ٹکٹس جاری کرتے ہوئے آراوز کے دفاتر میں جمع کرانے کی ہدایت کر دی ہے۔
پی ٹی آئی کی قیادت کے مطابق یہ ان کا پلان بی ہے اور بلے کا نشان نہ ملنے سے بھی فرق نہیں پڑے گا۔
