مایہ ناز وکٹ کیپر بلے باز محمد رضوان نے سابق کپتان محمد حفیظ کو پیچھے چھوڑ کر نیوزی لینڈ کے شہر ہیملٹن میں کھیلے گئے دوسرے ٹی20 میچ میں پاکستان کے سب سے زیادہ چھکے لگانے والے کھلاڑی بن گئے ہیں۔
پاکستان کے نائب کپتان اور اوپننگ بلے باز محمد رضوان نے اتوار کو ہیملٹن کے سیڈن پارک اسٹیڈیم میں اپنے ہیڈ کوچ محمد حفیظ کو پیچھے چھوڑ دیا جب انہوں نے کیوی سوئنگ بولر ٹم ساؤتھی کو پہلی بال پرمڈ وکٹ پر چھکا مارا، یہ ان کا ٹی20 کرکٹ میں 77واں چھکا تھا۔
Muhammad Rizwan Since 2021
[All T20]
– Most Runs
– Most Winning Runs
– Most 50s: 49
– Most 4s
– Most 6s (Pakistani)
– Most Carried Bat as Opener
– Most Wins as Batsman
– Most MOTM
– Most POTSICC POTY
ICC #1 RankCalender Year
– First to 1000 T20I Runs
– First to 2000 T20 Runs pic.twitter.com/T8d4SlYPWL— Prince 🇮🇪🇵🇰🇦🇫 (@AzzyShahzzy) April 21, 2023
تاہم اس اعزاز کو اپنے نام کرنے کے بعد مسرت کا لمحہ دائیں ہاتھ سے بلے بازی کرنے والے کرکٹر کے لیے زیادہ دیرپا ثابت نہیں ہوا کیونکہ وہ اگلے ہی اوور میں ایڈم ملنے کے ہاتھوں آؤٹ ہوگئے تھے، فن ایلن کی جارحانہ بلے بازی کی بدولت نیوزی لینڈ نے پہلے بلے بازی کرتے ہوئے پاکستان کو جیتنے کے لیے 195 کا ہدف دیا تھا۔
کیوی بولرز ٹم ساؤتھی اور ایڈم ملنے نے پہلے دو اوورز میں ہی اوپنرز محمد رضوان اور صائم ایوب کو آؤٹ کرکے میچ پر اپنی گرفت مضبوط کرلی تھی۔
ٹی20 کرکٹ میں اس وقت پاکستان کی جانب سے سب سے زیادہ چھکے مارنے والے 5 سرفہرست بلے بازوں کی ترتیب اب کچھ یوں ہے، 77 چھکوں کے ساتھ محمد رضوان سرفہرست جبکہ محمد حفیظ اپنے 76 چھکوں کے ہمراہ دوسری پوزیشن پر ہیں۔
سابق پاکستانی آل راؤنڈر کپتان شاہد آفریدی 73 چھکوں کے اپنے ریکارڈ کے ساتھ تیسرے نمبر پر جبکہ سابق پاکستانی کپتان شعیب ملک اور سابق اوپننگ بلے باز بالترتیب 69 اور 55 چھکوں کے ساتھ چوتھے اور پانچویں نمبر پر ہیں۔
