دنیا کے آلودہ ترین شہروں میں شہر قائد کراچی آج پہلے نمبر پر آگیا ہے۔
ایئر کولٹی انڈیکس رپورٹ کے مطابق کراچی کی فضاؤں میں آلودہ ذرات کی مقدار میں اضافے کے سبب اس کا ایئر کوالٹی انڈیکس آج 278 ریکارڈ کیا گیا ہے۔
🛑 انتہائی خراب ہوا کا معیار – کراچی الرٹ: 😷⚠️
ہواؤں کی سمت تبدیل ہونے کے باعث کراچی میں ہوا کا معیار دنیا میں سب سے زیادہ خراب ہے اور ایئر کوالٹی انڈیکس 300 سے زیادہ ریکارڈ کیا جارہا ہے.یہ آج بتاریخ 15 جنوری 2024 کو شہر قائد دنیا کا سب سے بدترین ہوا کا معیار رکھنے والا شہر… pic.twitter.com/G0G81x6G6s— PakWeather.com (@Pak_Weather) January 15, 2024
اس فہرست میں بنگلہ دیش کا دارالحکومت ڈھاکہ دوسرے نمبر پر ہے جس کا ایئر کوالٹی انڈیکس 198 پایا گیا۔ چین کا شہر ووہان 195 ایئر کوالٹی انڈیکس کے ساتھ تیسرے جبکہ دو بھارتی شہر دلی 190 اور کولکتہ 188 اے کیو آئی کے ساتھ بالترتیب چوتھے اور پانچویں نمبر پر ہیں۔
عالمی ادارہ صحت کے مطابق، فضائی آلودگی ہر سال 70 لاکھ افراد کی موت کی وجہ بنتی ہے۔ ایسی جگہیں جہاں فضائی آلودگی زیادہ ہو، دمہ جیسے مرض میں مبتلا افراد کو اپنا خاص خیال رکھنا رکھنا چاہیے اور باہر نکلتے وقت ماسک کا استعمال لازمی کرنا چاہیے۔
