غزہ میں جنگ بندی کا مطالبہ کرنے والے مظاہرین نے وائٹ ہاؤس پر خون سے لتھڑی گڑیوں کی بارش کر دی۔
امریکا میں حقوق نسواں کے لیے کام کرنے والی مقامی تنظیم کے اراکین نے وائٹ ہاؤس کے دروازوں پر خون سے لت پت متعدد گڑیاں پھینک دیں، یہ گڑیاں غزہ میں اسرائیلی جارحیت پر امریکا کی اسرائیل کی حمایت کے خلاف احتجاج کرتے ہوئے پھینکی گئی۔
سوشل میڈیا ایکس پر اس احتجاج کی ویڈیو وائرل ہے، ویڈیو کے کیپشن میں لکھا گیا ہے کہ ’بائیڈن آپ کے ہاتھوں پر خون، ، ہم آزاد فلسطین تک اپنی کوشش جاری رکھیں گے۔‘مظاہرین آزاد فلسطین کے نعرے بھی لگائے۔
Yesterday, @medeabenjamin and hundreds of thousands at the #March4Gaza let @POTUS know:
GENOCIDE JOE, THE BLOOD IS ON YOUR HANDS!We will not stop fighting for a free Palestine. pic.twitter.com/p5DBnd0fJt
— CODEPINK (@codepink) January 14, 2024
واضح رہے کہ ہفتے کے روز امریکا کی مقامی تنظیم کی جانب سے غزہ میں جنگ بندی کے لیے احتجاجی مارچ کیا گیا تھا جس میں تقریبا 4 لاکھ مظاہرین نے شرکت کی، مارچ کو ’4 مارچ‘ کا نام دیا گیا تھا۔
مقامی میڈیا کے مطابق احتجاجی مارچ کے دوران بدنظمی بھی دیکھنے میں آئی، پولیس افسر پر حملہ کرنے اور بدتمیزی کرنے کے الزام کے تحت 2 افراد کو حراست میں لیا گیا۔
واضح رہے کہ 7 اکتوبر 2023 کے بعد سے اب تک غزہ میں اسرائیلی فوج کی جارحیت سے 12 ہزار سے زائد معصوم بچے شہید ہوچکے ہیں جبکہ مجموعی طور پر 24 ہزار سے زائد فلسطینی شہری شہید اور 60 ہزار 317 افراد زخمی ہو چکے ہیں۔