نادیہ حسین فیشن اور انٹرٹینمنٹ انڈسٹری کا ایک بڑا نام ہیں۔ وہ 20 سال سے زیادہ عرصے سے فیشن کی دنیا کا حصہ ہیں اور وہ ایک بہت کامیاب بزنس وومن بھی ہیں۔
انہوں نے مختلف شعبوں میں عمدہ کارکردگی کا مظاہرہ کیا ہے اور وہ اپنے کام کی وجہ سے ہمیشہ اہم سمجھی جاتی رہی ہیں۔
فریحہ الطاف کے پوڈ کاسٹ کے دوران گفتگو کرتے ہوئے نادیہ حسین نے اپنی زندگی و کیریئر کے حوالے سے حقائق بیان کیے اور اس کے علاوہ مختلف موضوعات پر اپنا تقطہ نظر بھی شیئر کیا۔
نادیہ خاصی صاف گو ہیں اور وہ کوئی لگی لپٹی رکھے بغیر معاشرے میں غلط کام سرانجام دینے والوں پر ایک ٹھوس اور دبنگ تبصرہ کرنے کی عادی ہیں۔
گفتگو کے دوران انہوں نے اپنے ساتھ پیش آئے ایک واقعے کا بھی تذکرہ کیا جس میں ایک شخص نے ان کا پیچھا کیا۔ لیکن بات صرف یہیں تک نہیں تھی بلکہ جب وہ اس شخص کا شکایت کرنے سڑک پر کھڑے ایک پولیس والے کے پاس گئیں تو ایسا کیا ہوا جس نے انہیں نہ صرف چونکا دیا بلکہ اس پر انہیں غصہ بھی بہت آیا۔
مزید پڑھیں
نادیہ حسین نے بتایا کہ کئی سال پہلے ایک بار جب وہ اپنے گھر جا رہی تھیں تو ایک کار سوار ان کی گاڑی کا پیچھا کرنے لگا تاہم پھر انہوں نے سڑک پر ایک پولیس والے کو دیکھا اور مدد کے لیے اس کی طرف بڑھیں۔
لیکن پولیس اہلکار نے ان کی طرف توجہ دینے کی بجائے پیچھا کرنے والے شخص کو سیلوٹ کرنے لگا۔ یہ صورتحال دیکھ کر نادیہ نے گاڑی کی رفتار تیز کی اور کسی طرح وہاں سے بچ نکلیں۔
نادیہ حسین نے کہا کہ وہ اس وقت خوفزدہ نہیں تھیں لیکن انہیں اس صورتحال پر غصہ بہت آیا اور اس دن کے بعد سے وہ معاشرے میں ہونے والے کسی بھی ہراسانی کے واقعے پر اپنی آواز بلند کرتی ہیں۔
