حال ہی میں دل کے دورے سے متاثر ہونیوالی بھارتی اداکارہ سشمیتا سین نے بحالی صحت کے مرحلہ میں ڈاکٹر وں کی منظوری سے ہلکی پھلکی ورزشوں کا آغاز کرتے ہوئے اپنے چاہنے والوں کے لیے ہولی کے موقع پر نیک خواہشات کا اظہار کیا ہے۔
47 سالہ اداکارہ نے اپنے انسٹا گرام اکاؤنٹ پر تصویر شیئر کی جس میں وہ ورزش کرتی دکھائی دے رہی ہیں۔اس پوسٹ میں انہوں نے زندگی کے استعاراتی پہیہ کے رواں ہونے کا اعلان کرتے ہوئے لکھا ہے کہ ڈاکٹر انہیں صحتمند قرار دیدیا ہے۔
’اسٹریچنگ کا آغاز ۔۔۔ کیا اچھا احساس ہے! یہ میری ’ہیپی ہولی‘ ہے آپ کی کیسی رہی؟ میں آپ سب سے پیار کرتی ہوں۔اپنے مخصوص ہیش ٹیگ سے اختتام پذیر سابق مس ورلڈ سشمیتا سین کی اس تازہ پوسٹ کو صارفین نے کافی پسند کیا اور ان کی صحتیابی کی دعائیں بھی کیں
View this post on Instagram
ہفتہ بھر قبل سشمیتا سین کو دل کا دورہ پڑنے کی خبر انٹر نیٹ پر بے قابو آگ کی طرح پھیل گئی تھی۔ جس کی اطلاع انہوںے نے اپنی انسٹا گرام پوسٹ کے ذریعہ ہی دی۔
’مجھے کچھ دن پہلےدل کا دورہ پڑا،انجیو پلاسٹی کر دی گئی ہے اور اسٹینٹ بھی لگا دیا گیا ہے اور سب سے اہم بات یہ کہ میرے کارڈیولوجسٹ نے مجھے کہا ہے کہ ’میں بہت بڑے دل کی مالک ہوں‘۔
انہوں نے لکھا کہ یہ پوسٹ صرف میرے خیر خواہوں اور چاہنے والوں کو فقط یہ بتانے کے لیے ہے کہ سب ٹھیک ہے اور میں دوبارہ زندگی کے لیے تیار ہوں ۔
View this post on Instagram
اس سے قبل سشمیتا سین نے اپنے لائیو انسٹا گرام سیشن میں اس بات کی تصدیق کی تھی کہ وہ ٹی وی سیریز ’آریہ‘ کے تیسرے سیزن کی شوٹنگ کے لئے جلد واپس آئیں گی۔
’ میں جلد ٹھیک ہو جاؤں گی۔ آریہ کے سیزن 3کے سیٹ پر واپسی کا انتظار نہیں کر سکتی۔ میں آپ کو ایسا سیزن دینے جا رہی ہوں جو اس سے قبل آپ نے نہیں دیکھا ہو گا۔
واضح رہے کہ ’آریہ‘ کے پہلے دونوں سیزن کو ناقدین اور ناظرین دونوں نے پسند کیا تھا۔پہلے سیزن کو انٹرنیشنل ایمی ایوارڈ میں بہترین ڈرامہ سیریز کے لیے بھی نامزد کیا گیا تھا۔
رام مدھوانی کی ہدایت کاری میں بننے والی اس سیریز میں سشمیتاسین، نمت داس، منیش چودھری، ونود راوت اور دیگر اداکار شامل ہیں۔
View this post on Instagram
