نگراں وزیراعظم انوارالحق کاکڑ سے سعودی عرب وزیر کے خارجہ فیصل بن فرحان بن عبداللہ نے ملاقات کی ہے اور ان سے پاکستان اور ایران کی سرحد پر جاری تازہ ترین صورتحال پر تبادلہ خیال کیا ہے۔
تفصیلات کے مطابق، نگراں وزیراعظم انوارالحق کاکڑ اور سعودی عرب کے وزیر خارجہ فیصل بن فرحان بن عبداللہ کے درمیان ملاقات ڈیووس میں عالمی اقتصادی فورم کے سالانہ اجلاس کے موقع پر ہوئی تھی۔
Related Posts
ملاقات میں دونوں رہنماؤں نے مشترکہ اہمیت کے علاقائی اور عالمی امور کے علاوہ مختلف شعبوں میں دوطرفہ تعلقات کو مضبوط بنانے پر بھی تبادلہ خیال کیا۔
واضح رہے کہ منگل کی رات ایران نے پاکستانی حدود کی خلاف ورزی کرتے ہوئے پنجگور سے تقریباً 60 کلومیٹر دور تحصیل کلگ میں کوہ سبز نامی گاؤں کی ایک مسجد اور اس سے ملحقہ گھروں کو میزائل حملوں میں نشانہ بنایا تھا۔ اس حملے کے نتیجے میں 2 بچیاں جاں بحق جبکہ 3 بچے بری طرح زخمی ہوگئے تھے۔
امریکا، برطانیہ اور چین نے پاکستان پر ایرانی حملوں کی مذمت کی ہے اور ایرانی حملوں کو پاکستانی سرحدوں کی خلاف ورزی قرار دیا ہے۔
