پاکستان میں گزشتہ چند سالوں میں یوٹیوبر کی بھرمار سامنے آئی ہے، ان یو ٹیوبر کی تعداد ہزاروں میں چلی گئی ہے۔ اس میں کوئی دو رائے نہیں کہ ہمیں آئے روز یو ٹیوب پر نیا مواد ہی نظر آتا ہے۔
یو ٹیوبررز میں سے بہت سے اپنے چینلز کے ذریعے اچھی خاصی رقم کما رہے ہیں اور اپنے ناظرین کے ساتھ زیادہ سے زیادہ اور بہتر مواد شیئر کر رہے ہیں۔
فیملی وی لاگنگ بھی سامنے آئی ہے جو ملک میں بہت مشہور ہوگئی ہے اور اب ہمارے پاس بہت سارے فیملی وی لاگرز بھی موجود ہیں۔
ان فیملی ’وی لاگرز‘ میں سے ایک ’سیسٹرولوجی ‘ بھی عوام کے اندر انتہائی مقبول ہے جس میں ہیرا فیصل اور اس کی بہنیں اور ان کے والدین اپنی زندگی کے بارے میں چیزیں شیئر کرتے ہیں۔ سب سے بڑی بہن اقرا کنول کی ابھی شادی ہوئی ہے اور اہل خانہ نے شادی کی تمام تقریبات کی تفصیلات تصویریں اور ویڈیوز اپنے مداحوں اور فالوورز کے ساتھ شیئر کی ہیں۔
اقرا کنول اپنے ہنی مون پر ہیں تو سیسٹرولوجی خاندان شادی کی مصروفیات سے فارغ ہو کر چھٹیاں منانے کے لیے ترکیہ کے دارلحکومت استنبول پہنچا ہوا ہے۔ چاروں بہنوں نے اپنے والدین کو ترکیہ کی مشہور سلطانی ٹوپی اور ملکہ کا لباس پہنا کر ان کے ساتھ تصاویر بنوائیں اور پھر انہیں سماجی رابطے کی ویب سائٹس پر شیئر کیا جنہیں مداحوں کی جانب سے بے حد پسند کیا جا رہا ہے۔
