’آج دھوپ نکلا ہوا ہے، میرا دادا کاٹ رہا ہے لکڑی۔‘ گلگت بلتستان کے ننھے شیراز کا معصوم انداز میں وی لاگ،ویڈیو وائرل

گلگت بلتستان کے ننھے وی لاگر شیراز نے معصوم انداز میں وی لاگ کرکے لوگوں کے دل موہ لیے۔

پاکستان ٹورازم نامی ایکس اکاؤنٹ سے ایک ویڈیو شیئر کی گئی ہے جس میں دیکھا جاسکتا ہے کہ ایک بچہ معصوم انداز میں وی لاگ کررہا ہے اور اپنے علاقے کا حال بتا ہے۔

ویڈیو میں دیکھا جاسکتا ہے کہ بچہ سب سے پہلے سلام کرکے بتاتا ہے کہ آج دھوپ نکلا ہوا ہے، میں لکڑی توڑنے جارہا ہوں، آج اتنی سردی نہیں ہے، اس سال برفباری نہیں ہوئی ہے، میرے دادا جی کاٹ رہا ہے لکڑی، لکڑی توڑ رہا ہے۔‘

گلگت بلتستان کا ننھا وی لاگر شیراز
معصوم انداز نے دل موہ لیے، ویڈیو وائرل pic.twitter.com/uQyMYKnSyU

— Pakistan Tourism (@PakistanJannatt) January 22, 2024

شیراز بتا رہا ہے کہ ’میں آپ کو دوست کے گھر لے چلوں گا، جو بہت دور ہے۔‘ شیراز پہاڑوں کی طرف کیمرہ کر کے بتا رہا ہے کہ دیکھو پہاڑ پر برف ہی نہیں ہے، یہ میری بہن ہے، بہن کا نام مسکان ہے، بچے کھیل رہے ہیں۔‘

ننھے وی لاگر نے اپنے علاقے کا بازار بھی ویڈیو میں دکھایا ہے اور اپنے محلے کی مسجد بھی دکھائی ہے، جبکہ اس نے اپنے گاؤں کی گلیاں بھی دکھائی ہیں، اس نے ایک آدمی کو ٹوکری بناتے ہوئے بھی دکھایا،اپنی بہن کا تعارف بھی کروایا اور اپنا باغ اور اسکول بھی دکھائے۔

شیراز کا معصوم انداز میں وی لاگ سوشل میڈیا پر وائرل ہوگیا ہے، صارفین بھی شیراز کی تعریف کیے بنا رہ نہ سکے۔

ملک ہارون نے ننھے شیراز کی تعریف کرتے ہوئے لکھا کہ ’یہ بچہ مجھے بہت پیارا لگتا ہے، اگر کبھی گلگت بلتستان گیا تو اس سے ضرور ملوں گا۔ انشاء اللہ۔‘

Yaar mujy ye bacha bohat cute 🥰🥰 lagta hai…
Ager kabi gilgit gia to es bachy sy zaroor mulakat karo gaa….. insha’Allah

— Malik Haroon (@haroonfavor) January 23, 2024