الیکشن کمیشن آف پاکستان نے ملک بھر کے بلدیاتی و کینٹ بورڈز کے ترقیاتی فنڈز منجمند کر دیے۔
ترجمان الیکشن کمیشن نے بتایا ہے کہ بلدیاتی اداروں کے ترقیاتی فنڈز الیکشن کی تکمیل تک منجمد رہیں گے۔
مزید پڑھیں
الیکشن کمیشن کے مطابق بلدیاتی ادارے صرف روزمرہ کے امور نمٹائیں گے اور عام انتخابات تک صرف صفائی اور سینیٹیشن کا کام کیا جائے گا۔
ترجمان کے مطابق بلدیاتی ادارے نئی اسکیم کا اجرا یا ٹینڈر نہیں کر سکیں گے، تاہم وہ ترقیاتی کام جاری رہیں گے جن کا اعلان عام انتخابات کا شیڈول جاری ہونے سے پہلے ہوا۔
ترجمان الیکشن کمیشن نے بتایا ہے کہ بلدیاتی اداروں کے ترقیاتی فنڈز کے اجرا پر پابندی شفاف الیکشن کی وجہ سے لگائی گئی ہے۔
الیکشن کمیشن کی جانب سے فنڈز منجمد کیے جانے کا نوٹیفکیشن جاری کر دیا گیا ہے۔
واضح رہے کہ الیکشن کمیشن آف پاکستان کی جانب سے جاری شیڈول کے مطابق ملک بھر میں عام انتخابات کے لیے پولنگ 8 فروری کو ہوگی۔
