لاہور ہائیکورٹ نے نگراں وزیراعظم کو عہدے سے ہٹانے کی درخواست نمٹا دی

لاہور ہائیکورٹ نے نگراں وزیراعظم پاکستان انوارالحق کاکڑ کو عہدے سے ہٹانے کے لیے دائر اپیل نمٹا دی ہے۔

لاہور ہائیکورٹ کے جج جسٹس علی باقر نجفی کی سربراہی میں 2 رکنی بینچ نے اپیل پر سماعت کی۔

عدالت نے ریمارکس دیے کہ یہ معاملہ سپریم کورٹ میں بھی آ چکا ہے، اب الیکشن شیڈول بھی آ چکا، چند روز بعد نئی حکومت آنے والی ہے۔

مزید پڑھیں

• لاہور ہائیکورٹ: نگراں وزیراعظم انوارالحق کاکڑ کو عہدے سے ہٹانے کی درخواست خارج

  

• نگراں دور حکومت میں جو کچھ ہوا اس کی ذمہ داری لیتا ہوں، انوارالحق کاکڑ

  

• پرامن انتخابات کو یقینی بنانے کے لیے بہترین انتظامات کیے  گئے ہیں، وزیراعظم کی عالمی مبصرین کو یقین دہانی

  

• پی ٹی آئی کے بغیر بھی ملک میں منصفانہ انتخابات ہو سکتے ہیں، نگراں وزیراعظم انوار الحق کاکڑ

  

• عمران خان کے بغیر کوئی انتخابات قبول نہیں کریں گے، پی ٹی آئی

  

اپیل کنندہ کے وکیل نے عدالت میں دلائل میں دیے کہ وزیراعظم انوارالحق کاکڑ کی 90 روز کی مدت پوری ہوچکی ہے۔ اب وہ آئینی طور پر وزیراعظم نہیں رہے۔

واضح رہے کہ اس سے قبل 27 نومبر کو لاہور ہائیکورٹ کے سنگل بینچ نے بھی ایسی ہی ایک درخواست ناقابل سماعت قرار دیتے ہوئے خارج کر دی تھی۔

لاہور ہائیکورٹ کے جج جسٹس شاہد بلال نے مقامی وکیل محمد مقسط سلیم کی نگراں وزیراعظم انوار الحق کاکڑ کو عہدے سے ہٹانے کی درخواست پر سماعت کی تھی۔