مقبول اداکارہ سجل علی کی ایک ویڈیو سوشل میڈیا پر وائرل ہو رہی ہے جس کی وجہ سے ان کو تنقید کا سامنا ہے۔
وائرل ویڈیو میں سجل علی کومیک اپ آرٹسٹ عدنان انصاری کے ساتھ سالگرہ کا کیک کاٹتے دیکھا جا سکتا ہے۔
سجل علی نے گزشتہ ہفتے اپنی سالگرہ منائی تھی اور کیک کاٹنے کی ویڈیو کو عدنان انصاری نے سوشل میڈیا پر شیئر کیا۔
View this post on Instagram
ویڈیوپر صارفین نے اداکارہ اور میک اپ آرٹسٹ کو آڑے ہاتھوں لیا اور تنقید کرتے ہوئے کہا کہ یہ لوگ مغربی کلچر کو پاکستان کا حصہ بنا رہے ہیں۔ ساتھ ہی سوال کیا کہ غیر محرم مرد کا ہاتھ پکڑ کر کیک کیوں کاٹا اور ایک غیر محرم نے سجل علی کا سر کیوں چوما؟
صارفین کا تنقید کرتے ہوئے کہنا تھا کہ مشہور شخصیات اب میک آرٹسٹ کی سائیڈ لے رہی ہیں لیکن خدارا صحیح کو صحیح اور غلط کو غلط سمجھیں۔
جہاں متعدد صارفین اداکارہ اور میک آرٹسٹ پر تنقید کے نشتر برسا رہے ہیں، وہیں ان کے مداح بھی سامنے آ گئے۔ ایک صارف نے لکھا کہ آپ اپنے گھر والوں کو خوبصورت بنانے کے لیے انہی میک اپ آرٹسٹ کے پاس بھیجتے ہیں۔ ساتھ ہی انہوں نے میک آرٹسٹ کا دفاع کرتے ہوئے کہا کہ کوئی بھی شعبہ برا نہیں ہوتا، آپ لوگوں کو ان سے تحفظات ہو سکتے ہیں لیکن انہیں کسی سے نہیں ہوتے۔
عائشہ لکھتی ہیں کہ پاکستانی اداکاروں کو چاہیے کہ اپنی حد میں رہیں، اگر حد کراس کرنی ہے تو سوشل میڈیا پر یہ سب اپ لوڈ نہ کیا کریں، ساتھ ہی انہوں نے کہا کہ ہم مسلمان ہیں یہ یاد رکھیں اور ہم سمجھتے ہیں کہ یہ آپ کا کام ہے لیکن اپنی حدود کراس نہ کریں۔
یاد رہے کہ مارچ 2020 میں سجل علی نے اداکار احد رضا میر سے شادی کی تھی۔
تاہم شادی کے تقریباً ایک سال بعد ہی دونوں کے درمیان طلاق کی افواہیں گردش کرنے لگی تھیں۔ دونوں اداکاروں نے آج تک ان افواہوں پر کوئی ردعمل نہیں دیا۔
