خیبر پختونخوا میں پشاور کی ایک مسجد میں امام مسجد اور پاکستان تحریک انصاف ( پی ٹی آئی ) کے رہنما اقبال آفریدی کے درمیان تلخ کلامی کی ویڈیو وائرل ہوئی ہے جس میں پی ٹی آئی رہنما کو امام مسجد کے ساتھ الجھتے ہوئے دکھایا گیا ہے۔
سوشل میڈیا پر وائرل اس ویڈیو میں دکھایا جا رہا ہے کہ پشاور کے علاقے حیات آباد کی ایک مسجد میں نماز جمعہ کے دوران امام مسجد اورپی ٹی آئی رہنما اقبال آفریدی کے درمیان تلخ کلامی ہو رہی ہے۔ پی ٹی آئی کے بانی چیئرمین عمران خان کے خلاف بات کرنے پر اقبال آفریدی سیخ پا ہوگئے۔
آپ خطبہ پڑھائیں ممبر پر بیٹھ کر سیاست نا کریں، عمران خان کے خلاف مسجد میں بات کرنے پر امام مسجد اور رہنما پی ٹی آئی اقبال آفریدی کے درمیان آج پشاور میں تلخ کلامی کی ویڈیو۔ pic.twitter.com/VlrRkE5wuu
— Ali Hassnain Bhatti (@AliBhattiPKN) January 26, 2024
ویڈیو میں دیکھا جاسکتا ہے کہ رہنما پی ٹی آئی نے امام مسجد کو بانی چیئرمین پی ٹی آئی کے خلاف بات کرنے سے روک دیا اور کہا کہ آپ مسجد میں دین کی بات کریں، سیاست کی بات کیوں کی۔
جس پر امام مسجد انہیں کہتے ہیں کہ’ میں نے حق کی بات کی ہے، جس پر امام مسجد کو امام مسجد کو منافق کہنے پرنمازیوں نے اقبال آفریدی کو مسجد سے وی باہرنکال دیا۔
واضح رہے کہ ا قبال آفریدی حلقہ این اے 27 ضلعی خیبر سے پی ٹی آئی کے نامزد امیدوار بھی ہیں، پی ٹی آئی رہنما اور امام مسجد کے درمیان تنازع نمازیوں کی مداخلت پرختم ہو گیا۔