بالی ووڈ کی حال ہی میں ریلیز ہونے والی فلم دھُرندھر کو پاکستان مخالف پروپیگنڈا کی بنیاد پر خلیجی ممالک میں نمائش سے روک دیا گیا ہے۔
بحرین، کویت، عمان، قطر، سعودی عرب اور متحدہ عرب امارات نے فلم کو اپنے ملک میں ریلیز کرنے کی اجازت نہیں دی۔
یہ بھی پڑھیں: بالی ووڈ فلم ’دھُرندھر‘ کی باکس آفس پر دھوم، 7 دنوں میں کتنے کروڑ کمائے؟
فلم کی ٹیم کی جانب سے بھرپور کوشش کے باوجود یہ ممالک خطے میں فلم کی نمائش کی منظوری نہیں دے سکے۔ یہ پہلا موقع نہیں ہے جب کسی بھارتی فلم پر پابندی عائد کی گئی ہوبلکہ اس نوعیت کی فلمیں پہلے بھی اس خطے میں ریلیز کے دوران مشکلات کا سامنا کر چکی ہیں۔ جن میں ’فائٹر‘، ’اسکائی فورس‘ اور’دی ڈپلومیٹ‘ شامل ہیں۔
دھُرندھر میں بالی ووڈ کے معروف اداکار سنجے دت، رنویر سنگھ، ارجن رامپال اور اکشے کھنہ شامل ہیں۔ فلم کی کہانی پاکستان کی خفیہ ایجنسی آئی ایس آئی، انڈین ایجنٹس اور کراچی کی مشہور لیاری گینگ وار کے حقیقی کرداروں کے گرد گھومتی ہے۔ فلم کا دوسرا حصہ 19 مارچ 2026 کو سینما گھروں میں ریلیز ہونے کا امکان ہے۔
