اسرائیلی وزیر اعظم نے عالمی عدالت انصاف کا فیصلہ مسترد کر دیا

اسرائیلی وزیر اعظم بینجمن نیتن یاہو نے تل ابیب کے خلاف نسل کشی کے عالمی عدالتِ انصاف کے فیصلے کو ’ شرمناک ‘ قرار دیتے ہوئے مسترد کر دیا ہے اور کہا ہے کہ وہ اپنے دفاع کے لیے جو کچھ بھی ضروری ہوگا کریں گے۔

عالمی عدالت انصاف کے فیصلے نے اسرائیل کو تنہا کر دیا ہے، حماس

ادھر حماس کے سینیئر عہدیدار سمیع ابو زہری نے ذرائع ابلاغ سے بات کرتے ہوئے کہا کہ عالمی عدالت انصاف (آئی سی جے) کا فیصلہ ایک اہم پیش رفت ہے جو اسرائیل کو تنہا کرنے اور غزہ میں اس کے جرائم کو بے نقاب کرنے میں اہم کردار ادا کرتا ہے۔ انہوں نے مزید کہاکہ ہمارا عالمی برادری سے مطالبہ ہے کہ وہ اسرائیلی کو خلاف عدالتی فیصلوں پر عمل درآمد پر مجبور کرے۔

The complete list of orders from the International Court of Justice (ICJ) to Israel regarding the South African genocide case against Israel. pic.twitter.com/NRBploz4t4

— Furkan Gözükara (@GozukaraFurkan) January 26, 2024

فلسطینی وزیر خارجہ کا آئی سی جے کے عبوری اقدامات کا خیر مقدم

فلسطین کے وزیر خارجہ ریاض المالکی نے کہا ہے کہ فلسطین عالمی عدالت انصاف (آئی سی جے) کے حکم کا خیرمقدم کرتاہے۔ انہوں نے کہا کہ آئی سی جے کے ججوں نے حقائق اور قانون کا جائزہ لیا، انہوں نے انسانیت اور بین الاقوامی قانون کے حق میں فیصلہ دیا۔

المالکی نے مزید کہا کہ فلسطین تمام ریاستوں سے مطالبہ کرتا ہے کہ وہ اس بات کو یقینی بنائیں کہ اسرائیل عالمی عدالت کے احکامات پر عمل درآمد کرے گا کیوں کہ نسل کشی کے عالمی کنونشن کی پاسداری اسرائیل پر بھی فرض ہے۔

عالمی عدالت کے فیصلے کا مطلب ہے کہ غزہ میں فوری جنگ بندی ضروری ہے، جنوبی افریقہ

ادھر جنوبی افریقہ کے وزیر برائے بین الاقوامی تعلقات نے اقوام متحدہ کی اعلیٰ عدالت کے فیصلے کے بعد کہا ہے کہ اگر اسرائیل عالمی عدالت انصاف کے احکامات پر عمل کرنا چاہتا ہے تو اسے محصور غزہ کی پٹی میں لڑائی روکنی پڑے گی۔

South African foreign minister Naledi Pandor at the Hague says she would have wanted the #ICJ to explicitly call for a ceasefire, but says the only way Israel can meet the order of the court is for their to be a ceasefire. pic.twitter.com/Z0PyLTusAX

— Saul Staniforth (@SaulStaniforth) January 26, 2024

کیوں کہ جنوبی افریقہ کی جانب سے دائر مقدمے میں عالمی عدالت نے اسرائیل کو حکم دیا ہے کہ وہ فلسطینیوں کے خلاف نسل کشی کی کارروائیوں کو روکے اور شہریوں کی مدد کے لیے مزید اقدامات کرے۔

جنگ بندی کے بغیر آپ امداد اور پانی کیسے فراہم کریں گے؟ نیدرلینڈز کے شہر دی ہیگ میں عدالت کے احاطے میں بات کرتے ہوئے جنوبی افریقہ کے وزیر نالیدی پانڈور نے کہا کہ اگر آپ اس حکم کو باریکی سے پڑھتے ہیں تو اس کا مطلب یہی ہے کہ جنگ بندی ہونی چاہیے۔

جنوبی افریقہ کی حکمران جماعت کا فیصلے پر جشن

ادھر اقوام متحدہ کی اعلیٰ عدالت کی جانب سے اسرائیل کو غزہ میں ممکنہ نسل کشی روکنے کا حکم دیے جانے کے بعد صدر سیرل رامفوسا اور جنوبی افریقہ کی حکمراں کونسل نے جشن منایا۔

افریقن نیشنل کانگریس کی قومی ایگزیکٹو کمیٹی نے دی ہیگ میں عدالت سے نشر ہونے والی نشریات دیکھنے کے لیے اپنا اجلاس معطل کر دیا اور اس تقریب کی لائیو فوٹیج میں پارٹی اور حکومت کی سینیئر شخصیات کو جشن مناتے ہوئے دیکھا گیا۔

جنگ بندی کا حکم نہ دیے جانے پر مایوسی ہوئی، ملیحہ لودھی

پاکستان کی سابق سفیر ملیحہ لودھی نے عالمی عدالت انصاف (آئی سی جے) کی جانب سے غزہ میں جنگ بندی کا حکم دینے میں ناکامی کو ’مایوس کن‘ قرار دیا ہے۔

Valiant effort by South Africa which deserves our appreciation. Standing up for the Palestinians, for law and justice and also becoming the voice of the Global South

— Maleeha Lodhi (@LodhiMaleeha) January 26, 2024

اقوام متحدہ میں پاکستان کی سابق مندوب ملیحہ لودھی نے ایک انٹرویو میں کہا کہ عالمی عدالت انصاف نے غزہ میں جنگ بندی کا کوئی حکم نہیں دیا جس سے مایوسی ہوئی ہے ، لیکن اس کے ساتھ عالمی عدالت انصاف کا اسرائیل کو قتل عام روکنے اور فلسطینیوں کو تحفظ فراہم کرنے کے لیے کہنا بھی ایک حد تک اسرائیل کے لیے ایک بڑا دھچکا ہے اور اسرائیل کے لیے یہ دھچکا ضروری تھا۔

انہوں نے مزید کہا کہ اس وقت تک تو اسرائیل پر محض اخلاقی دباؤ ڈالا جا رہا ہے، حالانکہ ہمیں عدالت کی جانب سے مزید اقدامات کی توقعات تھیں۔

انہوں نے اس سے قبل سماجی رابطے کی ویب سائٹ ایکس پر ایک پوسٹ میں جنوبی افریقہ کی تعریف کرتے ہوئے کہا کہ وہ فلسطینیوں کو انصاف دلانے کے لیے کھڑا ہوا اور فلسطینیوں کے لیے عالمی سطح پر آواز بنا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں