پاکستان مسلم لیگ ن (پی ایم ایل این) کے قائد و سابق وزیراعظم نواز شریف نے کہا ہے کہ ہم اقتدار میں آکر پاکستان کی روشنیاں واپس لائیں گے۔
گوجرانوالہ میں جلسہ عام سے خطاب کرتے ہوئے نواز شریف نے کہاکہ ہماری حکومت بننے کے بعد ملک سے غربت اور بیروزگاری کا خاتمہ ہوگا۔
"If you love me then I love you too."
MIAN SB IS ROCKING😍 pic.twitter.com/lmalCzTUBz
— PMLN (@pmln_org) February 3, 2024
انہوں نے کہاکہ ہماری حکومت کا خاتمہ نہ کیا جاتا تو آج پاکستان ترقی کے سفر میں بہت آگے جا چکا ہوتا اور کوئی بیروزگار نہ ہوتا۔
مزید پڑھیں
نواز شریف نے کہاکہ ہمارے دور میں پیٹرول سمیت تمام اشیائے ضروریہ کی قیمتیں کم تھیں، ہمارے دور میں 60 ارب ڈالر کی سرمایہ کاری آئی۔
انہوں نے عمران خان کا نام لیے بغیر تنقید کرتے ہوئے کہاکہ جب ہم ملک میں بجلی کے کارخانے لگا رہے تھے تب یہ دھرنے دے رہے تھے۔
نواز شریف نے کہاکہ ہمارے دور میں مہنگائی سب سے کم تھی، اس کے علاوہ اسٹاک ایکسچینج 54 ہزار پر چلی گئی تھی اور ہم نے آئی ایم ایف کو خدا حافظ کہہ دیا تھا۔
شہباز شریف نے بہترین کام کیے جس پر ان کا شکر گزار ہوں
سابق وزیراعظم نے کہاکہ عالمی مالیاتی ادارے نے کہا تھا کہ پاکستان اگر ایسے ہی ترقی کرتا رہا تو پھر اسے ہماری ضرورت نہیں رہے گی۔
انہوں نے کہاکہ میں جب وزیراعظم تھا تو ملک میں سی پیک آیا، شہباز شریف نے بہترین کام کیے جس پر ان کا شکر گزار ہوں، اصل میں کام سارے انہوں نے کیے ہیں مگر کریڈٹ مجھے دیتے ہیں۔
سیاست کا فاتح پہلوان میاں نواز شریف❤️
میاں نواز شریف کو گوجرانوالہ کے پہلوانوں کی جانب سے گرز دیا گیا اور پگڑی پہنائی گئی pic.twitter.com/u3UEXrK8vP
— PMLN (@pmln_org) February 3, 2024
انہوں نے جسٹس اعجازالاحسن پر تنقید کرتے ہوئے کہاکہ ایک جج جس نے مجھے سزا سنائی تھی وہ استعفیٰ دے کر گھر چلا گیا ہے۔
نواز شریف نے مثال دیتے ہوئے کہاکہ ہمارے دور میں چھوٹی گاڑیاں 5 سے 10 لاکھ روپے میں آتی تھیں جبکہ ہنڈا 70 موٹرسائیکل 70 ہزار روپے کا تھا۔ اس کے علاوہ ڈالر کی قدر سب سے کم تھی۔
نواز شریف نے عوام سے جو وعدے کیے وہ پورے کریں گے، مریم نواز
اس موقع پر جلسہ سے خطاب کرتے ہوئے مریم نواز نے کہاکہ نواز شریف عوام سے جو وعدے کر رہا ہے وہ ضرور پورے ہوں گے۔
انہوں نے کہاکہ نواز شریف نے اگر ایک کروڑ نوکریاں دینے کا وعدہ کیا ہے تو وہ ضرور دے گا۔
مریم نواز نے کہاکہ نواز شریف کو جب پاکستان سے جانا پڑا تو گوجرانوالہ نے مسلم لیگ ن کا بھرپور ساتھ دیا۔
انہوں نے عمران خان پر تنقید کرتے ہوئے کہاکہ ملک میں وائرل بیماری آئی تھی جو سب کا نقصان کر کے چلی گئی۔
