شہر قائد کے مختلف علاقوں میں موسم سرما کی موسلادھار بارش کے باعث درجہ حرارت میں مزید کمی واقع ہوگئی ہے۔ جب کہ محکمہ موسمیات میں ملک کے بیشتر علاقوں میں اتوار کو مزید بارشوں اور برف فاری کی پیش گوئی کی ہے۔
نارتھ کراچی، سرجانی ٹاؤن، گلشن معمار، اورنگی ٹاؤن، بحریہ ٹاؤن، صدر، نارتھ ناظم آباد، ٹاور، لیاقت آباد اور ناظم آباد میں موسلا دھار بارش ہوئی ہے۔
Uffffff…..Heavy rain in Karachi..
Again back In January 🥶🥶🥶#KarachiRain pic.twitter.com/rKExyy8p4p
— 𝐑𝐢𝐳𝐰𝐚𝐧 𝐀𝐥𝐢 𝐑𝐢𝐳𝐮 (@i_Rizuu) February 3, 2024
موسلادھار بارش کے بعد نارتھ ناظم آباد اور اس کے مضافاتی علاقوں میں بجلی کی فراہمی معطل ہو گئی اور یہ تمام علاقے اندھیرے میں ڈوب گئے۔
بارش کے باعث کراچی کی گلیوں اور بازاروں میں پانی بھر آیا جس سے پیدل چلنا محال ہو گیا اور گاڑیوں پر سفر کرنا بھی مشکل ہو گیا، موسلا دھار بارش نے ایک بار پھر شہر کے کمزور سیوریج سسٹم کو بے نقاب کردیا ہے۔
ایم اے جناح روڈ اور آئی آئی چندریگر روڈ سمیت بیشتر سڑکوں پر سیوریج کے پانی جمع ہونے کے باعث مسافروں کو سفر میں شدید مشکلات کا سامنا رہا۔
بارش کے موسم میں اپنا اور اپنے پیاروں کا خیال رکھیں۔
شہریوں سے التماس ہے کہ ٹوٹے ہوئے تاروں، ٹی وی انٹرنیٹ کیبلز ، بجلی کے کھمبوں اور پی ایم ٹیز سے دور رہیں کیونکہ ان کی وجہ سے کرنٹ لگنے کا خدشہ ہوتا ہے۔
شکایت کی صورت میں کے الیکٹرک سوشل میڈیا چینلز، کے ای لائیو ایپ، 8119 SMS… pic.twitter.com/mpEuylT73x
— KE (@KElectricPk) February 3, 2024
ادھر شہر کے واحد بجلی کی تقسیم کار کمپنی ’کے الیکٹرک‘ نے شہریوں کے لیے ہدایات جاری کی ہیں کہ وہ برسات کے موسم میں اپنا اور اپنے پیاروں کا خیال رکھیں۔
پاور یوٹیلٹی نے عوام سے کہا کہ وہ ٹوٹی ہوئی تاروں، ٹی وی اور انٹرنیٹ کیبلز، بجلی کے کھمبوں اور پی ایم ٹیز سے دور رہیں کیونکہ ان سے کرنٹ لگنے کا خطرہ ہے۔
ادھر محکمہ موسمیات کا کہنا ہے کہ ملک کے بیشتر علاقوں میں مغربی ہواؤں کا سلسلہ جاری ہے جس کے باعث بالائی علاقوں میں اتوار کو بھی بارشوں کا سلسلہ جاری رہنے کا امکان ہے۔
🚨KARACHI URBAN FLOOD ALERT:
Heavy rain continue in different parts of the city, urban flooding observing on roads & Streets.
🛑 Dear Karachiites take necessary precautions and stay away from live electric poles.Regards
Owais Hyder
Weather Analyst pic.twitter.com/gm0VWLuQgO— PakWeather.com (@Pak_Weather) February 3, 2024
محکمہ موسمیات کی پیشگوئی کے مطابق بلوچستان، سندھ، پنجاب، پوٹھوہار، اسلام آباد، خیبر پختونخوا، گلگت بلتستان اور کشمیر میں گرج چمک کے ساتھ بارش اور پہاڑوں پر برفباری کا امکان ہے۔
محکمہ موسمیات کی پیشگوئی کے مطابق اس دوران شمال مشرقی اور جنوبی بلوچستان میں کہیں کہیں شدید برفباری کا بھی امکان ہے۔محکمہ موسمیات کے مطابق کراچی میں 3 اور 4 فروری کو موسلادھار بارش کا امکان ہے۔
واضح رہے کہ جمعہ کی صبح کراچی کے مختلف علاقوں میں ہلکی اور درمیانی بارش ہوئی۔ بارش سے نارتھ ناظم آباد، نارتھ کراچی، لیاری، بلدیہ ٹاؤن، گلستان جوہر، لیاقت آباد، صدر، بہادر آباد، طارق روڈ، کورنگی، لانڈھی، ڈی ایچ اے، قیوم آباد، محمود آباد، رنچھوڑ لائن اور ایف بی ایریا میں بھی بارش ہوئی۔