پاکستان سپر لیگ (پی ایس ایل) میں لاہور قلندرز نے اسلام آباد یونائیٹڈ کو میں یکطرفہ مقابلہ کے بعد 119 رنز سے ہرا دیا۔
لاہور قلندرز نے پہلے بیٹنگ کرتے ہوئے مقررہ 20 اوورز میں 226 کا پہاڑ جیسا اسکور بنایا جس میں فخر زمان کی شاندار سینچری بھی شامل تھی۔
فخر زمان 57 گیندوں پر 115 رنز بنا کر نمایاں رہے جبکہ کامران غلام نے 30 گیندوں پر 41 اور سیم بلنگز نے 22 گیندوں پر 32 رنز بنائے۔
اسلام آباد کی جانب سے فضل الحق فاروقی نے 3 جبکہ حسن علی اور محمد وسیم نے ایک ایک کھلاڑی کو آؤٹ کیا۔
جواب میں اسلام آباد یونائیٹڈ کی ٹیم صرف 15.1 اور میں 107 رنز بنا سکی اور اسے 119 رنز کے بڑے مارجن سے شکست کا سامنا کرنا پڑا۔
اسلام آباد یونائیٹڈ کی جانب سے ایلکس ہیلز اور حسن علی نے 18،18 رنز کی اننگز کھیلی جبکہ اس کے وکٹ کیپر بلے باز اعظم خان میچ کے دوران انجری کے باعث بیٹنگ کرنے نہیں آسکے۔
لاہور قلندرز کی جانب سے راشد خان نے 4 اور حارث رؤف نے دو دو کھلاڑیوں کو پویلین کی راہ دکھائی جبکہ ڈیوڈ ویزے نے ایک کھلاڑی کو آؤٹ کیا۔
