کہتے ہیں کہ دل جوان ہونا چاہیے عمر سے کوئی فرق نہیں پڑتا، بس اسی شعر سے متاثر ہوکر نواز شریف نے بھی خود کو نوجوانوں کی صف میں شامل کر لیا ہے۔
پاکستان مسلم لیگ ن کے قائد نواز شریف نے انتخابی مہم کے آخری جلسہ سے خطاب کرتے ہوئے کہاکہ میرے اندر بھی یوتھ کا جذبہ ہے۔
مزید پڑھیں
انہوں نے کہاکہ یوتھ پاکستان اور پاکستان مسلم لیگ ن کے ساتھ ہے، ہم اقتدار میں آکر نوجوانوں کو لیپ ٹاپ دیں گے اور ہنر مند بنائیں گے۔
نواز شریف نے مزید کہاکہ یوتھ ہمارے ساتھ کندھے سے کندھا ملا کر پاکستان کو ترقی کی راہ پر گامزن کرے گی۔
قائد ن لیگ کا کہنا تھا کہ اگر میری حکومت کا سازش کے ذریعے خاتمہ نہ کیا جاتا تو آج ملک بھر میں کوئی بھی نوجوان بیروزگار نہ ہوتا۔
اس موقع پر مریم نواز نے بھی خطاب کیا اور کہاکہ میں ایسے پاکستان کا خواب دیکھتی ہوں جہاں ہمارے نوجوان کے ہاتھ پیٹرول بم نہیں بلکہ ڈگری اور لیپ ٹاپ ہونا چاہیے۔
