لندن میں مقیم بانی پی ٹی آئی عمران خان کی سابقہ اہلیہ جمائما گولڈ اسمتھ اور بیٹے قاسم خان نے پاکستان میں عام انتخابات سے قبل عمران خان کی حمایت کا اظہارکیا ہے۔
قاسم خان نے سماجی رابطوں کی سائیٹ ’ایکس‘ پر پی ٹی آئی ووٹرز کے لیے پیغام جاری کیا ہے کہ کل کا دن پاکستان کے لیے بہت بڑا دن ہے۔ آپ کا ووٹ اہم ہے کیونکہ یہ آپ کا مستقبل ہے۔
قاسم خان نے لکھا براہِ کرم ووٹ ڈالنے کے بعد ایک ویڈیو بنائیں’میں نے پی ٹی آئی کو ووٹ دیا‘ اور ویڈیو یا تصویرسوشل میڈیا پر ڈال دیں۔ پاکستان زندہ باد!
Tomorrow’s a huge day for Pakistan. Your vote is important. As soon as you’re able to, please post a photo or video saying “I voted PTI” with a hashtag #votePTI to show your support!
Pakistan Zindabad! 🇵🇰 pic.twitter.com/q3JJd5fM4S
— Kasim Khan (@Kasim_Khan_1999) February 7, 2024
جمائما نے اپنے دونوں بیٹوں سلیمان اور قاسم کی تصویر شیئر کی جس میں دونوں بھائیوں نے پی ٹی آئی کا پرچم تھام رکھا ہے۔
واضح رہے کہ پاکستان میں عام انتخابات کے لیے پولنگ کل 8 فروری کو ہوگی لیکن عمران خان انتخابی دوڑ سے باہر ہیں اور پارٹی نشان چھن جانے کے بعد تحریک انصاف کے امیدوار آزاد حیثیت میں الیکشن میں حصہ لے رہے ہیں۔
