متحدہ قومی موومنٹ (ایم کیو ایم) پاکستان نے کراچی سے قومی اسمبلی کی 18 نشستوں پر بھاری لیڈ حاصل کرنے کا دعویٰ کیا ہے، جب کہ پاکستان پیپلز پارٹی ( پی پی پی) نے 3 صوبائی اسمبلی کی نشستوں پر کامیابی کا دعویٰ کیا ہے۔
مزید پڑھیں
متحدہ قومی موومنٹ (ایم کیو ایم) پاکستان کے سینیئر ڈپٹی کنونیئر مصطفیٰ کمال نے دعویٰ کیا کہ ایم کو ایم کراچی میں بھاری اکثریت سے کامیاب ہونے جا رہی ہے۔
ان کا دعویٰ ہے کہ کراچی کے لوگوں نے ان پراعتماد کیا ہے، جس کے بعد وہ قومی اسمبلی کی 18 نشستوں پر بھاری اکثریت سے آگے جا رہے ہیں۔
مصطفی کمال یہاں تک کہہ دیا ہے کہ کل سے کراچی کی ذمہ داریاں ایم کیو ایم کے کندھوں پر آ جائیں گی، کراچی، حیدرآباد اور میرپورخاص کے عوام کا شکریہ ادا کرتے ہیں۔
پیپلزپارٹی کا سندھ اسمبلی کی 6 نشستیں جیتنے کا دعویٰ
ادھر پاکستان پیپلز پارٹی نے سندھ کی صوبائی اسمبلی کی 3 سیٹیں جیتنے کا دعویٰ کیا ہے۔ پیپلز پارٹی کی جانب سے کیے گئے دعوے کے مطابق پی ایس 60 حیدرآباد 1 میں غیر حتمی غیر سرکاری نتیجے میں پاکستان پیپلز پارٹی کے جام خان شورو کامیاب ہوگئے ہیں ۔
پی ایس 27 خیر پور میں غیر حتمی غیر سرکاری نتیجے میں پی پی پی امیدوار ہالار وسان کامیاب ہوئے ہیں، اسی طرح پی ایس 77جامشورو سے غیر حتمی نتائج کے مطابق پی پی کے رہنما اور سابق وزیر اعلیٰ سندھ مراد علی شاہ کامیاب ہوئے ہیں۔
سندھ کی صوبائی اسمبلی کے حلقے پی ایس 60 حیدرآباد 1 میں غیر حتمی غیر سرکاری نتیجے میں پاکستان پیپلز پارٹی کے جام خان شورو کامیاب ہوگئے۔
غیر حتمی غیر سرکاری نتیجے کے مطابق پی ایس 60 حیدرآباد 1 کے تمام 105 پولنگ اسٹیشنز کے نتائج میں پیپلز پارٹی کے جام خان شورو 35352 ووٹ لے کر کامیاب ہوئے۔
گرینڈ ڈیموکریٹک الائنس کے ایاز لطیف پلیجو 6735 ووٹ لیکر دوسرے نمبر پر رہے۔
سندھ کی صوبائی اسمبلی کے حلقے پی ایس 27 خیر پور میں غیر حتمی غیر سرکاری نتیجے میں پاکستان پیپلز پارٹی کے امیدوار ہالار وسان کامیاب ہوگئے۔
غیر حتمی غیر سرکاری نتیجے کے مطابق پی ایس 27 خیر پور 2 کے تمام 145 پولنگ اسٹیشنز کے نتائج میں پاکستان پیپلز پارٹی کے ہالار وسان 93421 ووٹ لے کر کامیاب ہوئے ہیں۔
جے یو آئی ایف کے محمد شریف بررو 14897 ووٹ لیکر دوسرے نمبر پر رہے۔
سندھ کی صوبائی اسمبلی کے حلقے پی ایس 77 جامشورو میں غیر حتمی غیر سرکاری نتیجے میں پی پی کے رہنما اور سابق وزیر اعلیٰ سندھ مراد علی شاہ کامیاب ہوگئے۔
غیر حتمی غیر سرکاری نتیجے کے مطابق پی پی کے مراد علی شاہ 66100 ووٹ لے کر کامیاب ہوگئے جبکہ جی ڈی اے کے روشن علی برڑو 6150 ووٹ لیکر دوسرے نمبر پر ہیں۔
