ملک کے مختلف علاقوں میں 4.9 شدت کے زلزلے کے جھٹکے محسوس کیے گئے ہیں، زلزلے سے لوگوں میں خوف و ہراس پھیل گیا۔
Related Posts
ہفتہ کی رات ملک کے بیشتر علاقوں خاص کرخیبر پختونخوا میں پشاور اور سوات میں زلزلے کے شدید جھٹکے محسوس کیے گئے ہیں، ابھی تک کسی جانی و مالی نقصان کی اطلاع نہیں تاہم لوگ خوف و ہراس سے کلمہ طیبہ کا ورد کرتے ہوئے گھروں سے باہر آ گئے۔
#BREAKING: Earthquake jolts different parts of Pakistan#Earthquake pic.twitter.com/ZequY8YPoK
— World Times (@WorldTimesWT) February 10, 2024
زلزلہ پیما مرکز نے کہا ہے کہ ملک بھر میں خصو صاً خیبر پختونخوا کے بیشتر علاقوں میں 10 بج کر 45 منٹ پرزلزلے کے شدید جھٹکے محسوس کیے گئے ہیں۔ ریکٹر سکیل پر ان جھٹکوں کی شدت 4.9 ریکارڈ کی گئی ہے اور اس کا مرکز 142 کلو میٹر افغانستان میں کوہ ہندوکش کی پہاڑیاں تھیں۔
زلزلہ پیما مرکز کے مطابق چترال، لوئر دیر، سوات، اپر دیر، شمالی وزیرستان، میران شاہ، چار سدہ اور گردو نواح میں زلزلے کے شدید جھٹکے محسوس کیے گئے، صوبہ پنجاب میں میانوالی، خوشاب، بھکر، ڈیرہ اسماعیل خان، دریا خان میں بھی زلزلے کے جھٹکے محسوس کیے گئے ہیں۔
زلزلہ پیما مرکز کے مطابق اس کے علاوہ مالاکنڈ، مردان، جمرود، کوہاٹ، مہمند ایجنسی، لنڈی کوتل، بونیر، نوشہرہ، مانسہرہ، چشماں، پیلاں میں بھی زلزلے کے جھٹکے محسوس کیے گئے ہیں۔
