پاکستان سپر لیگ (پی ایس ایل) کے 9ویں سیزن کے لیے ٹرافی کی رونمائی کرا دی گئی ہے۔ ٹرافی کی تقریبِ رونمائی لاہور میں واقع پولو گراؤنڈ میں منعقد ہوئی۔ تقریب میں چیئرمین پاکستان کرکٹ بورڈ (پی سی بی) محسن نقوی، فرنچائز مالکان، ایچ بی ایل کے نمائندوں اور اسٹار کرکٹرز نے شرکت کی۔
تقریب میں ملتان سلطانز کے کپتان محمد رضوان ،کوئٹہ گلیڈی ایٹرز کے کپتان سرفراز، کراچی کنگز کے کپتان شان مسعود اور پشاور زلمی کے کپتان بابر اعظم بھی شریک تھے، ٹرافی کو ’دی اورین ٹرافی‘ کا نام دیا گیا ہے۔
It's here! 🤩
The #HBLPSL9 Orion Trophy is unveiled at Polo Ground, Jillani Park 🏆✨
More details ➡️ https://t.co/3XF8Lq39hi#KhulKeKhel pic.twitter.com/CZJEnBR7Cp
— PakistanSuperLeague (@thePSLt20) February 13, 2024
اس موقع پر چیئرمین پی سی بی محسن نقوی نے گفتگو کرتے ہوئے کہا کہ یہ اعلان کرتے ہوئے خوشی ہو رہی ہے کہ ایچ بی ایل پی ایس ایل اپنے 9ویں سیزن میں داخل ہو رہا ہے۔
انہوں نے کہا کہ آج پی ایس ایل ٹرافی کی رونمائی کی گئی ہے، امید ہے یہ ٹورنامنٹ اچھا رہے گا، ہماری طرف سے تمام تیاریاں مکمل ہیں۔
محسن نقوی کا مزید کہنا تھا میں نے تاحال پوری طرح سے عہدہ نہیں سنبھالا ہے، مگر ٹیم سے تمام آگاہی لیتا رہتا ہوں۔
انہوں نے کہا کہ جو پاکستانیوں کا خواب ہے اسے پورا کرنے کی کوشش کریں گے، محنت نظر آئے گی، جب تک تمام ترصورتحال سے آگاہ نہیں ہوتا، تب تک کچھ نہیں کہہ سکتا، خامیوں پر کام کرنے کی بھرپور کوشش کریں گے۔
