سیکیورٹی فورسز نے خیبرپختونخوا میں 2 مختلف کارروائیوں کے دوران 9 دہشتگردوں کو ہلاک کر دیا گیا ہے، جبکہ اس دوران ایک جوان بھی شہید ہوا ہے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے ضلع ٹانک میں خفیہ اطلاع پر آپریشن کیا اور اس دوران 2 دہشتگردوں کو ہلاک کردیا۔
مزید پڑھیں
آئی ایس پی آر کے مطابق اس کے علاوہ جنوبی وزیرستان میں ایک اور کارروائی کے دوران 7 دہشتگردوں کو ہلاک کیا گیا، تاہم فائرنگ کے شدید تبادلے میں سپاہی شاہ زیب افضل نے شہادت کو گلے لگا لیا۔
آئی ایس پی آر نے بتایا کہ مارے گئے دہشت گردوں سے اسلحہ، گولہ بارود اور دھماکہ خیز مواد بھی برآمد ہوا، یہ دہشتگرد علاقے میں سیکیورٹی فورسز کے خلاف متعدد دہشتگردی کی کارروائیوں کے ساتھ ساتھ بھتہ خوری اور معصوم شہریوں کی ٹارگٹ کلنگ میں سرگرم رہے۔
ترجمان کے مطابق سیکیورٹی فورسز ملک سے دہشتگردی کی لعنت کو ختم کرنے کے لے پُرعزم ہیں، اور ہمارے بہادر جوانوں کی قربانیاں ہمارے جذبے کو مزید مضبوط کرتی ہیں۔
