کورین کھانے اور مشروبات غذائیت کے اعتبار سے دُنیا بھر میں مشہور تو ہیں ہی لیکن یہاں چند ایسے مشروبات ایسے ہیں جو مزیدار بھی ہیں اور آپ کو دبلے جسم حاصل کرنے میں بھی مدد فراہم کرتے ہیں۔
کوریا پکوان اور مشروبات کے لیے بڑے پیمانے پر جانا جاتا ہے لیکن ان کے پاس موجود بعض غذائی اجزا ایسے بھی ہیں جو جسم میں ضدی اور اضافی چربی سے چھٹکارا حاصل کرنے کی کوشش کرنے والے لوگوں کے لیے حیرت انگیز کام کرتے ہیں۔
کوریائی ثقافت میں صحت مند کھانے اور نظم و ضبط کی انتہائی قدر کی جاتی ہے۔ اس میں غذائیت سے بھرپور مشروبات کی بھی ایک حد ہے جن کا ذائقہ مزیدار ہونے کے ساتھ ساتھ یہ آپ کی صحت کے لیے انتہائی مفید بھی ثابت ہوئے ہیں۔
یہاں 5 کوریائی مشروبات ایسے ہیں جن کے استعمال سے آپ اپنے پیٹ کی فالتو چربی کو کم کرنے میں مدد حاصل کر سکتے ہیں۔
جو کی چائے
کوریا میں ’جو ‘ کی چائے ان مشروبات میں سر فہرست ہے جن کا استعمال کر کے آپ اپنے جسم کی فالتو چربی کو با آسانی کم کر سکتے ہیں اور خود کو دبلا پتلا بنا سکتے ہیں۔
چائے سے مشابہت رکھنے والا یہ گرم مشروب کوریا میں بڑے پیمانے پر استعمال ہونے والے مشروبات میں سے ایک ہے، جو اکثر باقاعدہ پانی کے متبادل کے طور پر بھی استعمال کیا جاتا ہے۔ یہ کیلوری سے پاک ہے اور چینی سے بھرے مشروبات کا ایک عمدہ متبادل بھی ہے۔
کومبوچا کورین چائے
کومبوچا کا تعلق اگرچہ مخصوص طور پر کوریا سے نہیں ہے ، لیکن کومبوچا کوریا میں بہت ہی تیزی سے مقبول ہو رہی ہے۔
اس خمیر شدہ چائے میں ایک اعلیٰ پروبائیوٹک مواد ہوتا ہے جو آپ کی آنتوں کی صحت کے لیے انتہائی مفید مانا جاتا ہے، یہ آپ کے نظام ہضم کو انتہائی مضبوط بناتا ہے اور میٹابولزم کو بڑھاتا ہے، جو وزن کو کم کرنے میں زبردست مدد فراہم کرسکتا ہے۔
اومیجاچا (5 ذائقوں پر مشتمل بیری والی چائے)
اومیجا چا 5 ذائقوں والی بیری سے تیار ہوتی ہے، جس کا ذائقہ میٹھا، کھٹا، نمکین، کڑوا اور تیز ہوتا ہے، یہ بیری امیجا چائے بنانے کے لیے استعمال کی جاتی ہے۔
خیال کیا جاتا ہے کہ اس میں ڈیٹاکسیفنگ خصوصیات ہیں اور اسے متنوع اور متوازن غذا کے طور پر استعمال کیا جاسکتا ہے۔
یوجا چائے
یوجا چائے یوجا (سیٹرون) پھل سے بنائی جاتی ہے، اس کے اعلیٰ وٹامن سی مواد اور میٹابولزم پر اس کے اثرات کے لیے مشہور ہے۔
اگرچہ یہ براہ راست وزن میں کمی میں مدد نہیں کر سکتی، لیکن یہ آپ کو متوازن غذا برقرار رکھنے میں مدد فراہم کرتی ہے۔
گلاب کی چائے
گلاب کی چائے جسے کبھی کبھی ’گلچا‘ بھی کہا جاتا ہے، ایک لذیذ کوریائی مشروب ہے جو وزن میں کمی میں مدد کر سکتا ہے۔
گلاب کی پتیوں اور زعفران کے امتزاج سے تیار کردہ اس میں فلیوونائڈ اور وٹامن سی کی مقدار زیادہ ہوتی ہے جو مدافعتی نظام کو بھی بڑھاتی ہے۔
