سابق وزیر خزانہ مفتاح اسماعیل اکثر و بیشتر سماجی رابطوں کی ویب سائٹس پر چھائے رہتے ہیں۔ ان کے وائرل ہونے کی وجہ کبھی کسی سیمنار میں بہترین گفتگو تو کبھی غصہ میں دیے گئے جواب ہوتے ہیں۔ آج بھی مائیکروبلاگنگ ویب سائٹ ٹوئٹر پر مفتاح اسماعیل خوب زیر بحث ہیں۔
سابق وزیر خزانہ مفتاح اسماعیل آج ری ایمیجننگ پاکستان کے پینل کا حصہ تھے اور ان کی وہاں کی گئی گفتگو لمحہ بہ لمحہ ان کے ٹوئٹر اکاؤںٹ سے شیئر کی جا رہی تھی۔ اسی دوران ان کے اکاؤنٹ سے ایک ٹویٹ شیئر ہوئی جس میں مفتاح اسماعیل کا کہنا تھا کہ بدقسمتی سے آج رات ایک بار پھر لاکھوں بچے بھوکے سوئیں گے، وقت آگیا ہے اب ہمیں فیصلہ کرنا ہوگا
بدقسمتی سے آج رات ایک بار پھر لاکھوں بچے بھوکے سوئیں گے، وقت آگیا ہے اب ہمیں فیصلہ کرنا ہوگا۔ مفتاح اسمعیل
— Miftah Ismail (@MiftahIsmail) March 12, 2023
جیسے ہی ان کی یہ ٹوئٹ ٹوئٹر پر وائرل ہوئی صارفین نے ان کے کمنٹس سیکشن کا رخ کیا اور دلچسپ تبصروں کی بھرمار کردی، جہاں کچھ صارفین ان کی تعریف کر رہے تھے وہی کچھ صارفین ایسے بھی تھے جنہوں نے مفتاح اسماعیل کو طنز کے تیر بھی مارے۔ ایک صارف نے لکھا بھیا آنے والے کل بھی بھوکے ہی ہوں بلکہ بھوکے ہی مریں گے۔ آپ ٹینشن نہ لیں
بھیا آنے والے کل بھی بھوکے ہی ہوں بلکہ بھوکے ہی مریں گے۔ آپ ٹین شین نہ لیں
— Mobeen Awan (@MobeenAwan5) March 12, 2023
گفتگو مزید آگے بڑھی تو صارفین ان سے ان کے کاروبار کینڈی لینڈ کے حوالے سے شکوہ کرتے نظر آئے۔ اسی حوالے سے ایک صارف نے لکھا کوکومو کے پیکٹ میں ہوا زیادہ اور کوکومو کم ہوتا ہے ۔۔ آپ کو اتنی فکر ہے تو پیکٹ بھر دیا کریں
کوکومو کے پیکٹ میں ہوا زیادہ اور کوکومو کم ہوتا ہے ۔۔ آپ کو اتنی فکر ہے تو پیکٹ بھر دیا کریں
— Fehmida S. Bercha (@bercha_i) March 12, 2023
صارفین کا کہنا تھا کہ کہ کوکومو کے پیکٹ میں جب تک کم کوکومو رہے گی پاکستان ری ایمیجن نہیں ہوسکتا ، ایک صارف نے لکھا اپنی فیکٹری کے دروازے کھول دیں عوام کے لیے ،کوکو مومو کے پیکٹ اپنی گاڑی کی پچھلی سیٹ پہ رکھیے اور نکل جایے کراچی کی سڑکوں پہ، عوام میں بانٹیں اور پھر ہمیں جذباتی ڈائیلاگ سُنایے ….
اپنی فیکٹری کے دروازے کھول دیں عوام کے لیے ،کوکو مومو کے پیکٹ اپنی گاڑی کی پچھلی سیٹ پہ رکھیے اور نکل جائیے کراچی کی سڑکوں پہ ، عوام میں بانٹیں اور پھر ہمیں جذباتی ڈائیلاگ سُنائیے …. پتہ نہیں کیسی کیسی چیزوں کو ن لیگ نے سر پہ بٹھایا ہوا ہے 🤷🏼♂️🤦🏽♂️
— Hustler ! (@tazz_awan) March 12, 2023
ایک اور صارف نے لکھا پہلے کوکو مو میں تو غریبوں کے بچوں کو پورے دانے دیں ۔
مامے پہلے کوکومو میں تو غریبوں کے بچوں کو پورے دانے دیں ۔
— Syed Ali Raza (@Syedali97368099) March 12, 2023
گفتگو آگے بڑھی تو ایک اور صارف نے کہا وقت آ گیا ہے کہ فینٹی کی قیمت میں کمی کی جائے بجائے انکم بڑھانے کے غریبوں کے بچوں کی خوشیوں کا خیال کیا جائے۔
وقت آ گیا ھے کہ فینٹی کی قیمت میں کمی کی جائے بجائے انکم بڑھانے کے غریبوں کے بچوں کی خوشیوں کا خیال کیا جائے۔
— Spartacus (@thinkffb) March 12, 2023
یاد رہے کہ سابق وزیر خزانہ مفتاح اسماعیل ری ایمیجننگ پاکستان کے ایک فورم سے آج گفتگو کر رہے تھے جہاں انہوں نے خواتین کے معیشت میں کردار پر بھی گفتگو کی۔
