پاکستان میں کرکٹ کا جنون زوروں پر ہے ، پاکستانی قوم کرکٹ اور کرکٹ سٹارز کی دیوانی ہے ، تمام عمر کے افراد کرکٹ کے بخار میں مبتلا نظر آتے ہیں ۔ جب بات پی ایس ایل کے سنسنی خیز مقابلوں کی ہو تو جنگ کی سی کیفیت برپا ہو جاتی ہے، شائقین کے ساتھ ساتھ کھلاڑی بھی پُر جوش ہوتے ہیں اور میچ سے قبل مختلف دعوے کرتے نظر آتے ہیں ۔
سا ہی ایک دعویٰ دفاعی چیمپئن لاہور قلندرز نے گزشتہ روز ملتان سلطانز کے ساتھ ان کے ہوم گراؤنڈ پر کھیلے جانے والے میچ سے قبل کیا۔ لاہور قلندرز نے اپنے آفیشل ایکس اکاؤنٹ سے پوسٹ کی جس میں لکھا تھا کہ
اگر کھو گیا اک نشیمن تو کیا غم
مقامات آہ فغاں اور بھی ہیں
قلندرز کا قافلہ سلطانوں کی خبر لینے ملتان روانہ
اگر کھو گیا اک نشیمن تو کیا غم
مقامات آہ فغاں اور بھی ہیںقلندرز کا قافلہ سلطانوں کی خبر لینے ملتان روانہ #HBLPSL9 #KhulKeKhel #QalandarBrothers
— Lahore Qalandars (@lahoreqalandars) February 20, 2024
لیکن میچ میں محمد رضوان اور افتخار احمد نے لاہور قلندرز کو دھو ڈالا اور نا قابل شکست اننگز کھیل کر ٹیم کو کامیابی دلا دی۔ ملتان سلطانز نے لاہور قلندرز کا 167 رنز کا ہدف 19 اوورز میں 5 وکٹوں کے نقصان پر حاصل کرلیا اور ایونٹ میں مسلسل تیسری کامیابی حاصل کر لی۔
میچ جیتنے کے بعد ملتان سلطانز نے لاہور قلندرز کی ٹوئٹ کے جواب میں لکھا کہ’ جب آپ خبر لینے آئیں اور خود خبر بن جائیں ‘۔
جب آپ خبر لینے آیں اور خود خبر بن جایں 😕 https://t.co/86mhaFRnaA
— Multan Sultans (@MultanSultans) February 21, 2024
لاہور قلندرز اور ملتان سلطانز کے دلچسپ تبصروں پر صارفین نے بھی اپنے ردعمل کا اظہار کیا۔ کسی نے کہا کہ لاہور قلندرز جیتے یا ہارے ہمیں ان سے پیار ہے تو کوئی یہ کہتا نظر آیا کہ لاہور قلندرز خود ہی ٹرول ہونے کی کوئی نہ کوئی وجہ ڈھونڈ لیتے ہیں۔
ایک صارف نے ملتان سلطانز کی تعریف کرتے ہوئے لکھا کہ اڑتے ہیں، پلٹتے، جھپٹتے ہیں، شاہین بلند فضاؤں میں ان کو ملتان کا سلطان کہتے ہیں۔
اڑتے ہیں، پلٹتے جھپٹتے ہیں، شاہیں بلند فضاوں میں 🪽ان کو ملتان کا سلطان کہتے ہیں https://t.co/OnnCaNfReV
— Waqar Younis (@WaqarYo93022260) February 22, 2024
عمر فاروق نامی صارف نے لاہور قلندرز سے اظہار محبت کرتے ہوئے لکھا کہ چاہے جیتیں یا ہاریں لیکن لاہور قلندرزہی دل میں رہیں گے۔
جیتے چاہے ہارے لیکن ہمیشہ دل سے @lahoreqalandars https://t.co/077w2h99Yt
— Rai Umer Farooq Tufail 🇵🇰 (@omarfarooqroy) February 21, 2024
حمزہ شاہ لکھتے ہیں کہ لاہور قلندرز اور بھارت کے سابق کرکٹر عرفان پٹھان میں کوئی فرق نہیں ہے، دونوں ہی خود ٹرول ہونے کی وجہ ڈھونڈ لیتے ہیں۔
Lahore Qalanders or Irfan Phatan Ma Koi Farq ni hai hud hi troll Krnay ki Wja Bnty hain https://t.co/5CYdklpRhk
— Hamza Shah (@itzgillani56) February 22, 2024
ایک صارف نے لاہور قلندرز کے میچ جیتنے کے دعوے کے بعد شکست کھا جانے پر لکھا کہ ’پروگرام تو وڑ گیا‘۔
Program to war gya#LQvsMS #PSL2024 https://t.co/vyQuauAZsM
— Mumtaz Malik (@Mumtazmalik1997) February 21, 2024
واضح رہے کہ ابھی تک پی ایس ایل کے 7میچز ہو چکے ہیں اور آج کا میچ اسلام آباد یونائٹیڈ اور کوئٹہ گلیڈی ایٹرز کے درمیان کھیلا جائےگا۔
