وفاقی حکومت نے پشاور کی 4 احتساب عدالتیں ختم کرنے کے احکامات جاری کر دیے ہیں۔
وزارت قانون و انصاف کی جانب سے جاری کیے گئے نوٹیفیکیشن کے مطابق، پشاور میں 4 احتساب عدالتیں ختم کر دی گئی ہیں۔ اب پشاور میں 8 کے بجائے 4 احتساب عدالتیں کام کریں گی۔
نوٹیفیکیشن کے مطابق، ختم کی گئی 4احتساب عدالتوں میں سے 2 عدالتیں اینٹی نارکوٹکس، ایک ایف آئی اے اور ایک عدالت بینکنگ کورٹ میں تبدیل کر دی گئی ہے۔
2 اینٹی نارکوٹکس عدالتیں پشاور، اینٹی کرپشن اینڈ ایمیگریشن کورٹ ابیٹ آباد اور بینکنگ کورٹ ڈیرہ اسماعیل خان میں کام کریں گی۔
