شمالی کوریا کی جانب سے پے درپے ایٹمی میزائل کے تجربات کے بعد امریکا اور خطے میں اس کے اتحادیوں جنوبی کوریا اور جاپان نے شمالی کوریا کو ایٹمی ہتھیاروں سے مکمل محروم کرنے کے فیصلے کو ایک بار پگر دوہرایا ہے۔
Related Posts
جاپانی خبررساں ادارے این ایچ کے، کے مطابق جاپانی وزیر خارجہ کامِیکاوا یوکو، امریکی وزیر خارجہ انٹونی بلنکن اور جنوبی کوریا کے وزیر خارجہ چو تےیول نےجی 20 وزرائے خارجہ اجلاس کے دوران برازیل کے شہر ریو ڈی جنیرو میں ہونے والی ملاقات میں اس بات کا اعادہ کیا ہے کہ وہ شمالی کوریا کو جوہری ہتھیاروں سے مکمل طور پر پاک کرنے کے لیے مل کر کام جاری رکھیں گے۔
بین الاقوامی نظام کو چیلنج درپیش ہے، جاپان
کامِیکاوا نے کہا کہ سہ فریقی تزویراتی تعاون اب پہلے سے کہیں زیادہ اہم ہے، کیونکہ قانون کی حکمرانی پر مبنی آزاد اور کھلے بین الاقوامی نظام کو چیلنج درپیش ہیں۔
ملاقات میں وزرا خارجہ نے شمالی کوریا کے جوہری اور میزائل پروگراموں میں پیشرفت پر تبادلہ خیال کیا۔
انہوں نے سکیورٹی تعاون اور دیگر اقدامات کے ذریعے علاقائی دفاع اور ردعمل کی صلاحیتوں کو بڑھانے میں اپنے مسلسل قریبی تعاون کی تصدیق نو کی۔انہوں نے نشاندہی کی کہ تینوں ممالک کا رواں سال اقوام متحدہ کی سلامتی کونسل کا رکن ہونا سود مند ہے۔