آئین کے مطابق اسمبلی میں آج سوائے الیکشن کے کوئی اور کام نہیں ہوسکتا، ملک احمد خان

پاکستان مسلم لین ن کے رہنما ملک احمد خان نے پنجاب اسمبلی میں اپنے خطاب میں رانا آفتاب کی بات کا جواب دیتے ہوئے کہ کہا ہے کہ جن لوگوں کی رانا آفتاب بات کررہے ہیں وہ ابھی تک ممبر ہی نہیں بنے۔

ان کا کہنا تھا کہ آج آئین کے آرٹیکل 108 کے تحت صاف کہا گیا کوئی اور بزنس نہیں ہوسکتا سوائے الیکشن کے۔ نشستیں پوری نہیں تو کہوں گا کہ الیکشن کمیشن کے پاس اختیارات ہائی کورٹ کے برابر ہیں۔

ملک احمد خان نے کہا کہ آزاد اراکین نے نے ایک جماعت کو جوائن کیا، اگر استعفے آتے ہیں تو سیٹوں پر الیکشن کا اعلان ہوگا۔

انہوں نے کہا کہ آئین کہتا ہے کہ سپیکر و ڈپٹی سپیکر کا الیکشن کروائیں، اس لیے کہ ہمارا صرف آج ایک بزنس ہے وہ ہے الیکشن کروانا۔ایوان میں تعداد کیا ہے سب کو نظر آرہا ہے۔