بزرگ خاتون پر پولیس تشدد: مریم نواز کا شدید ردعمل، نگراں وزیراعلیٰ سے فوری ایکشن کی درخواست

نامزد وزیراعلیٰ پنجاب مریم نواز نے ٹیکسلا میں بزرگ خاتون پر پولیس کے تشدد کی شدید مذمت کرتے ہوئے نگران وزیراعلیٰ پنجاب محسن نقوی سے رابطہ کیا اور واقعہ پر فوری کارروائی کی درخواست ہے۔

مریم نواز نے کہا ہے کہ واقعہ کے تحقیق کروائی جائے اور ذمہ داروں کے خلاف کارروائی عمل میں لائی جائے۔

full video of Punjab police officer hitting an elderly woman brutally.. these are monsters owned by monsters…! #MaryamNawaz#ImranRiazKhan#PunjabAssembly pic.twitter.com/tH0rMuHyIO

— ص (@AzadKhyaal) February 24, 2024

نامزدوزیراعلیٰ پنجاب کی درخواست کے جواب میں نگران وزیراعلیٰ پنجاب محسن نقوی نے یقین دہانی کروائی ہے کہ واقعہ کی تحقیقات ہوں گی اور تشدد کرنے والوں کے خلاف کارروائی عمل میں لائی جائیگی۔

قبل ازیں مریم نواز نے بزرگ خاتون پر پولیس تشدد پر شدید دکھ اور افسوس کا اظہارکرتے ہوئے کہا کہ پنجاب اسمبلی کے اجلاس کی وجہ سے ابھی مجھے اس واقعہ کی اطلاع ملی جس پر بے حد دکھ ہوا ہے۔

نامزد وزیراعلیٰ کا کہنا تھا کہ اس طرح کی پولیس گردی کا رویہ کسی صورت برداشت نہیں کیا جائے گا۔