بھارتی اسپنر روی چندرن ایشون نے انگلینڈ کے خلاف ایک اہم سنگ میل عبور کرلیا ہے۔ انہوں نے بھارتی سرزمین پر سب سے زیادہ وکٹیں لے کر تاریخ رقم کردی ہے۔ رانچی میں بھارت اور انگلینڈ کے درمیان چوتھے ٹیسٹ میچ کے تیسرے دن ایشون نے بھارتی سرزمین پر سب سے زیادہ وکٹیں لینے کا عالمی ریکارڈ توڑ کر بھارتی لیجنڈ اسپنر انیل کمبلے کو پیچھے چھوڑ دیا ہے۔
Ashwin is now the most successful Test bowler in India 🔝 pic.twitter.com/8KYsPo6T5E
— ESPNcricinfo (@ESPNcricinfo) February 26, 2024
وہ اپنے گراؤنڈز پر 59 ٹیسٹ کھیل کر اب تک 354 وکٹیں اپنے نام کے آگے درج کرواچکے ہیں۔ اس سے قبل بھارتی سرزمین پر سب سے زیادہ وکٹیں لینے کا ریکارڈ لیجنڈ لیگ اسپنر انیل کمبلے کے نام تھا وہ 63 ٹیسٹ میچز میں مجموعی طور پر 350 وکٹیں حاصل کرنے کا اعزاز رکھتے ہیں۔
رانچی ٹیسٹ میں آف اسپنر نے 35 ویں مرتبہ کسی ٹیسٹ میچ 5 یا زائد وکٹیں لینے کا کارنامہ بھی انجام دیا اور اس ریکارڈ میں انیل کمبلے کی برابری کی۔
بین الاقوامی کرکٹ میں رچرڈ ہیڈلی 36 بار، شین وارن 37 مرتبہ اور متھیا مرلی دھرن 67 بار ایک اننگز میں 5 وکٹیں لینے کا ریکارڈ بنا چکے ہیں۔ ایشون ان تینوں کے بعد زیادہ 5 وکٹیں لینے والے چوتھے بولر ہیں۔
بھارتی سرزمین پر سب سے زیادہ وکٹیں لینے والے بولرز میں روی چندرن ایشون 354 وکٹیں لے کر پہلے، انیل کمبلے 350 وکٹیں لے کر دوسرے جبکہ ہربھجن سنگھ 265 وکٹیں لے کر تیسرے نمبر پر ہیں۔
R Ashwin's tally against England is the most against a team for an India bowler at home ✨https://t.co/BPOrRKwvO3 #INDvENG pic.twitter.com/9tXTRD04Bt
— ESPNcricinfo (@ESPNcricinfo) February 26, 2024
کمبلے نے اپنے 132 ٹیسٹ میچوں میں 619 وکٹیں حاصل کیں، ایشون نے اب تک 99 ٹیسٹ میچوں میں 507 وکٹیں اپنے نام کیں۔ بھارت اور انگلینڈ کے درمیان پانچواں کرکٹ ٹیسٹ 7 مارچ سے دھرم شالہ میں کھیلا جائے گا جو اس آف اسپنر کا 100 واں ٹیسٹ میچ بھی ہوگا۔
