اسلام آباد یونائیٹڈ کیخلاف سنچری سکور کرنے پرپشاور زلمی کے مالک جاوید آفریدی کی جانب سے بابراعظم کو گاڑی کا تحفہ دیا گیا۔
پاکستان سپر لیگ9 ( پی ایس ایل) کے 13ویں میچ میں 111 رنز کی فاتحانہ اننگز کھیل کر بابر اعظم نے مداحوں کے ساتھ پشاور زلمی کے مالک جاوید آفریدی کا بھی دل جیت لیا۔ جاوید آفریدی نے بابراعظم کو پاکستان میں تیار ہونیوالی نئے ماڈل کی گاڑی ’ ایم جی ایسنس ‘تحفے میں دے دی جس کی قیمت تقریبا 81 لاکھ پاکستانی روپے بتائی جاتی ہے۔
جاوید آفریدی کا سوشل میڈیا پرپیغام میں کہنا تھا کہ اس ماڈل کو پہلی بار بابر اعظم ڈرائیو کریں گے، گاڑی پاکستان میں تیار کی گئی ہے۔
MG GIFT FOR BABAR AZAM. @babarazam258
HE WILL BE THE FIRST ONE TO DRIVE MG ESSENCE.
MADE IN PAKISTAN #HBLPSL۹ @MGPakistan pic.twitter.com/IFo3hK8HSb— Javed Afridi (@JAfridi10) February 26, 2024
بابر اعظم کو گاڑی تحفے میں ملنے کے بعد پاکستان کے پریزینٹرفخر عالم نے اپنے پروگرام میں بات کرتے ہوئے کہا کہ بابر اعظم کی جانب سے شاندار اننگز کھیلنے پر جاوید آفریدی نے ان کو گاڑی تحفے میں دینے کا اعلان کیا لیکن جاوید آفریدی سے ایک درخواست ہے کہ پشاور زلمی کے عارف یعقوب کے لیے بھی ایک ’ ایم جی ایسنس‘ ہونی چاہیے کیونکہ اسلام آباد یونائیٹڈ کے خلاف میچ میں 4 وکٹیں لینے پر وہ بھی اس گاڑی کے حقدار ہیں. انہوں نے کہا کہ امید ہے کہ جاوید آفریدی اس پر غور و فکر کریں گے۔
What a fantastic win for the yellow storm….and what a special innings by @babarazam258 but my request to @JAfridi10 you must govern one MG to Arif Yaqoob as well please. He truly deserves it for today’s performance. #HBLPSL2024 #HBLPSL۹ #askthepavilion pic.twitter.com/XVof2HL326
— Fakhr-e-Alam S.I & S.E (@falamb3) February 26, 2024
فخر عالم کی درخواست پر پشاور زلمی کے مالک جاوید آفریدی نے سماجی رابطے کی سائیٹ ایکس (سابقہ ٹوئٹر) پر بیان جاری کرتے ہوئے کہا کہ مولانا نے تو دل جیت لیا فخر بھائی۔ انشاءاللّہ پہلے مولانا کو چلے یا چارمہینے کی تشکیل کرواتے ہیں۔
مولانا نے تو دل جیت لیا فخر بھائی۔
انشاءاللّہ پہلے مولاناکو چلے یا چارمہینے کی تشکیل کرواتےہیں۔ 🫣۔ https://t.co/95t0Qxt5nV pic.twitter.com/r8E4uIjmlq— Javed Afridi (@JAfridi10) February 26, 2024
واضح رہے کہ پیر کو کھیلے گئےسنسنی خیز مقابلے میں پشاور زلمی نے اسلام آباد یونائیٹڈ کو بابر اعظم کی بیٹنگ اور عارف یعقوب کی عمدہ بولنگ کی بدولت 8 رنز سے شکست دے دی ،عارف یعقوب نے 4اوورز میں 27 رنز دے کر 5کھلاڑیوں کو آؤٹ کیا۔ بابراعظم نے اسلام آباد یونائیٹڈ کے خلاف میچ میں 63 گیندوں پر 14 چوکوں اور 2 چھکوں کی مدد سے 111 رنز کی ناقابل شکست اننگ کھیلی۔
