بین الاقوامی فلکیاتی مرکز نے اعلان کیا ہے کہ اتوار 10 مارچ کو رمضان کا چاند عرب اور اسلامی دنیا میں کہیں بھی ممکن نہیں ہے وہ نہ ہی آنکھ سے اور نہ ہی دور بین کی مدد سے دیکھا جا سکے گا۔
العریبیہ ڈٖاٹ نیٹ کی رپورٹ کے مطابق بین الاقوامی فلکیات کے مرکز نے اپنے ایک بیان میں کہا کہ پیر 11 مارچ کو اسلامی دنیا کے تمام خطوں سے نسبتاً آسانی سےچاند کو دیکھا جا سکتا ہے۔
مزید پڑھیں
مرکز نے اپنے بیان میں وضاحت کی ہے کہ مرکزی ملاپ 10 مارچ کو ہوگا جس کا مطلب ہے کہ اس دن رویت ہلال عرب اور اسلامی دنیا میں کہیں سے بھی ممکن نہیں ہے جبکہ امریکا کے کچھ حصوں سے خاص طور پر مغربی حصوں سے دوربین کا استعمال کرتے ہوئے رویت ہلال ممکن ہے۔
بین الاقوامی فلکیات کے مطابق پیر 11 مارچ کو چاند اسلامی دنیا کے تمام خطوں سے نسبتاً آسانی سے عام آنکھ سے دیکھا جا سکے گا اور جو لوگ اس دن چاند دیکھنا چاہتے ہیں وہ مغرب کو دیکھ سکتے ہیں۔ اس کے مغربی افق کی جگہ سے 15 سے 25 منٹ کے فاصلے پر چاند دیکھا جا سکتا ہے جو افق کے قریب نظر آئے گا۔
اسی مناسبت سے بعض مسلمان ممالک میں توقع کی جاتی ہے کہ رمضان کا مہینہ منگل 12 مارچ کو شروع ہوگا۔
بیشتر اسلامی ممالک میں اتوار 11 فروری 2024 کو شعبان کے مہینے کا آغاز ہوا۔ اسی وجہ سے زیادہ تر ممالک اتوار 10 مارچ کو رمضان کا آغاز کریں گے۔ چاند کا ملاپ اس دن صبح 9 بجے ہوگا۔ اسلامی دنیا کے تقریباً تمام خطوں میں غروب آفتاب کے بعد چاند طلوع نہیں ہوگا۔