کوئٹہ گلیڈی ایٹرز کے اسٹار فاسٹ بولر محمد عامر کی شکایت پر پنجاب کی نومنتخب وزیراعلیٰ مریم نواز نے ملتان اسٹیڈیم واقعے پر کرکٹر کو فون کرکے معلومات حاصل کیں۔
محمد عامر نے سماجی رابطے کی ویب سائٹ ایکس پر مریم نواز کا شکریہ ادا کرتے ہوئے اپنی پوسٹ میں لکھا کہ ان کی فیملی کے ساتھ اسٹیڈیم میں پیش آنے والے واقعہ پر مریم نواز نے نوٹس لیا اور اپنا قیمتی وقت نکال کر مجھے فون کیا جس پر میں ان کا شکرگزار ہوں۔
I am highly grateful for the chief minister's @MaryamNSharif attention to my matter and for taking out the precious time to call me. All misunderstanding has been cleared by Deputy Commissioner Multan himself , I sincerely appreciate it and extend my best wishes to you as you…
— Mohammad Amir (@iamamirofficial) February 27, 2024
انہوں نے مزید کہا ’ڈپٹی کمشنر ملتان نے بھی ذاتی طور پر میری غلط فہمی دور کردی ہے۔ میں مریم نواز کی کاوش کو سراہتا ہوں اور آپ کے نئے سفر میں میری نیک خواہشات آپ کے ساتھ ہیں‘۔
Shocked by the unacceptable behavior of the Deputy Commissioner of Multan, who reportedly mistreated my family, arrogantly claiming ownership of the ground & unjustly ejecting them during a match. This abuse of power is intolerable! Urging authorities for immediate action…
— Mohammad Amir (@iamamirofficial) February 26, 2024
یاد رہے کہ اس سے قبل محمد عامر نے ڈپٹی کمشنر ملتان پر میچ کے دوران اپنی فیملی سے بدسلوکی کا الزام عائد کرتے ہوئے مریم نواز سے معاملے کا نوٹس لینے کا مطالبہ کیا تھا۔
محمد عامر نے اپنی پوسٹ میں لکھا تھا کہ ڈپٹی کمشنر ملتان نے تکبرانہ انداز سے گراؤنڈ کی ملکیت کا دعویٰ کیا اور میچ کے دوران انہیں بلاجواز باہر نکال دیا، کرکٹر کا کہنا تھا کہ یونیفارم میں طاقت کا یہ غلط استعمال ناقابل برداشت ہے۔
