نمیبیا کے بیٹر جان نکول لوفٹی ایٹن نے نیپال کے خلاف میچ میں صرف 33 گیندوں پر سنچری اسکور کر کے ٹی20 انٹرنیشنل میچز میں اب تک کی تیز ترین سنچری جڑ دی ہے۔
جان نکول لوفٹی ایٹن اب ٹی20 انٹرنیشنل میں تیز ترین سنچری بنانے والے بیٹر بن گئے۔
Namibia's Loftie-Eaton brought up his century in 33 balls 🔥 https://t.co/jPa7xljdIJ
— ESPNcricinfo (@ESPNcricinfo) February 27, 2024
ان سے قبل یہ ریکارڈ نیپال کے کشال مالا کے پاس تھا جنہوں نے گزشتہ سال منگولیا کے خلاف 34 گیندوں پر سنچری بنائی تھی۔
ٹی20 انٹرنیشنل میں تیسری تیز ترین سنچری میں جنوبی افریقا کے ڈیوڈ ملر، بھارت کے روہت شرما اور چیک ری پبلک کے سدیش وکرماسکیرا مشترکہ طور پر تیسرے نمبر پر ہیں جنہوں نے 35، 35 گیندوں پر سنچریاں بنائی ہوئی ہیں۔
جان نکول نے 11 چوکوں اور 8 چھکوں کی مدد سے صرف 36 گیندوں پر 101 رنز بنائے جبکہ 2 وکٹیں بھی حاصل کیں جس پر انہیں مین آف دی میچ قرار دیا گیا۔
ٹی20 کی مجموعی طور تیز ترین سنچری کا ریکارڈ ویسٹ انڈیز کے اسٹار بیٹر کرس گیل کے پاس ہے۔ انہوں نے 2013 میں انڈین پریمیئر لیگ کے میچ میں صرف 30 گیندوں پر تیز ترین سنچری بنائی تھی۔
