خیبرپختونخوا اسمبلی کے نو منتخب اراکین نے حلف اٹھا لیا، اس دوران ایوان میں بدنظمی دیکھنے میں آئی، مسلم لیگ ن کی رکن ثوبیہ شاہد ایوان میں گھڑی لہراتی ہوئی داخل ہوئیں۔ جس پر اسمبلی میں موجود پی ٹی آئی کے کارکنوں نے ثوبیہ شاہد پر لوٹا، بال پوائنٹ، کاغذ، خالی بوتل اور جوتے پھینکےاور ثوبیہ شاہد کے خلاف شدید نعرے بازی کی۔ جس کی ویڈیو دیکھتے ہی دیکھتے سوشل میڈیا پر وائرل ہو گئی۔ صارفین کا کہنا تھا کہ ثوبیہ شاہد صاحبہ کے ساتھ اسمبلی میں ہونے والا سلوک توہین آمیز اور غیر اخلاقی تھا۔
ایک صارف نے لکھا کہ مسلم لیگ ن کی ایم پی اے ثوبیہ شاہد نے خیبرپختونخواہ اسمبلی میں گھڑی لہرا دی۔ گھڑی دیکھ کر سب چور چور کے نعرے لگانے لگے، ان کا مزید کہنا تھا کہ گھڑی دیکھ کر سب کے منہ سے خود بخود چور کا نعرہ لگ جاتا ہے کیونکہ سب کو پتہ چل گیا ہے کہ اس ملک میں ایک عدد گھڑی چور بھی موجود ہے۔
مسلم لیگ ن کی ایم پی اے ثوبیہ شاہد نے خیبرپختونخواہ اسمبلی میں گھڑی لہرا دی۔ گھڑی دیکھ کر سب چور چور کے نعرے لگانے لگے۔ گھڑی دیکھ کر سب کے منہ سے خود بخود چور کا نعرہ لگ جاتا ہے کیونکہ سب کو پتہ چل گیا ہے کہ اس ملک میں ایک عدد گھڑی چور بھی موجود ہے۔ pic.twitter.com/XCOQtwi4Um
— صحرانورد (@Aadiiroy2) February 28, 2024
اس موقع پر ایک صارف کو مریم نواز کے خاتون پولیس اہلکار کے سر پر دوپٹہ رکھنے کی ویڈیو یاد آ گئی اور انہوں نے کہا کہ وزیراعلی پنجاب مریم نواز نے خاتون پولیس اہلکار کے سر سے سرکنے والے دوپٹہ کو اپنے ہاتھ سے سر پر ڈھانپ دیاجبکہ خیبر پختونخواہ اسمبلی اجلاس دوران لیگی ایم پی اے ثوبیہ شاہد پر لوٹا اور جوتا پھینکا گیا ، انہوں نے تنقید کرتے ہوئے کہا کہ ان دونوں خبروں میں نوازشریف اور عمران خان کی تربیت عیاں ہوتی ہے۔
وزیراعلی پنجاب مریم نواز نے خاتون پولیس اہلکار کے سر سے سرکنے والے دوپٹہ کو اپنے ہاتھ سے سر پر ڈھانپ دیا
پختونخواہ اسمبلی اجلاس دوران فتنہ عمرانیہ نے لیگی ایم پی اے ثوبیہ شاہد پر لوٹا اور جوتا پھینک دیا
ان دونوں خبروں میں نوازشریف اور عمران خان کی تربیت عیاں ہوتی ہے
والسلام— Raja Kabeer ™ (@kabeerraja786) February 28, 2024
بیرسٹر عقیل ملک لکھتے ہیں کہ ثوبیہ شاہد صاحبہ کے ساتھ اسمبلی میں ہونے والا سلوک توہین آمیز اور غیر اخلاقی تھا اِس کی جتنی مذمت کی جائے کم ہے۔
ثوبیہ شاہد صاحبہ کیساتھ اسمبلی میں ہونے والا سلوک توہین آمیز اور غیر اخلاقی تھا۔ اِس کی جتنی مذمت کی جائے کم ہے۔ https://t.co/oOB55KgN6O
— Barrister Aqeel Malik (@BrAqeelMalik) February 28, 2024
شبانہ شوکت لکھتی ہیں کہ ثوبیہ شاہد نےاسمبلی میں ایک لفظ بھی نہیں کہا بس صرف گھڑی لہرا دی اور تیر اڑتا ہوا نشانے پر جا لگا ۔
ثوبیہ شاہد نے ایک لفظ نہیں کہا بس صرف گھڑی لہرا دی اور تیر اڑتا ہوا نشانے پر جا لگا 😂😂😂 pic.twitter.com/eIuaZTsrHS
— شبانہ شوکت (@Shabanashaukat4) February 28, 2024
واضح رہے کہ کے پی اسمبلی کا اجلاس 11 بجے دن طلب کیا گیا تھا جو ڈیڑھ گھنٹے سے زائد تاخیر سے شروع ہوا۔ارکانِ اسمبلی کے اسمبلی ہال میں داخلے کے دوران دھکم پیل بھی ہوئی اور اجلاس کے دوران شور شرابا ہوا۔مختلف سیاسی جماعتوں کے کارکنوں نے ایک دوسرے کے خلاف نعرے لگائے۔ اجلاس کے موقع پر صوبائی اسمبلی اور اطراف کے علاقوں میں انٹر نیٹ سروس بھی جزوی طور پر متاثر ہوئی۔
