پاکستان ون ڈے کرکٹ ٹیم میں اپنا پہلا میچ کھیلنے والے معاذ صداقت جذباتی ہوگئے، اور والدہ کا ذکر کرتے ہوئے آنکھوں میں آنسو روک نہ سکے۔
معاذ نے کہاکہ مشکل وقت میں والدہ نے ہمیشہ کہاکہ ہمارے اچھے دن آئیں گے، اور آج وہ دن آ گیا۔
انہوں نے مزید بتایا کہ فیملی نے ہمیشہ ان کا حوصلہ بڑھایا، اور شاہین آفریدی نے فون کرکے انہیں ٹیم میں شامل ہونے کی خوشخبری دی۔
اسی موقع پر پاکستان ٹیم میں ڈیبیو کرنے والے شامل حسین نے بھی اپنی خوشی کا اظہار کیا۔
انہوں نے کہاکہ جب میرا نام ٹیم میں آیا تو یہ ایک خواب جیسا محسوس ہوا، ایک دن لگا اس حقیقت کو تسلیم کرنے میں کہ میں واقعی ٹیم کا حصہ ہوں۔
ان کا کہنا تھا کہ ڈومیسٹک کرکٹ نے میرا اعتماد بڑھایا اور کھیل میں بہتری لائی۔
واضح رہے کہ بنگلہ دیش کے خلاف پہلے ون ڈے میچ میں قومی بیٹنگ لائن ناکام رہی، اور بنگلہ دیش نے یکطرفہ مقابلے میں پاکستان کو شکست دے دی۔
