سوشل میڈیا پر ایک ویڈیو وائرل ہو رہی ہے جس میں کیڑوں سے ڈھکی ہوئی کاروں کو دیکھا جا سکتا ہے۔لوگوں کا خیال ہے کہ اس ویڈیو میں کاروں پر موجود کیڑوں سے مشابہ مخلوق آسمان سے گری ہے۔
وائرل ہونے والی ویڈیو کے بارے میں یہ کہا جا رہا ہے کہ اسے چین کے شہر بیجنگ میں شوٹ کیا گیا ہے۔
اس ویڈیو کو سوشل میڈیا پر ’کیڑوں کی بارش‘ کے الفاظ کے ساتھ شئیر کیا گیا ہے۔ یہ ویڈیو دیکھنے کے بعد بہت سے لوگ یقین ظاہر کر رہے ہیں کہ واقعی ہی آسمان سے کیڑے گرے ہیں۔
There are 9 million worms in Beijing #SocialAmmo https://t.co/4Hc1D9YUXH
— Matt Dyson (@RealDysonator) March 10, 2023
ویڈیو دیکھنے کے بعد لوگوں نے مختلف طرح کے تبصرے کیے ، بعض لوگوں نے کہا کہ یہ اس بات کی علامت ہے کہ دنیا ختم ہو رہی ہے۔
اسی طرح ایک تبصرے میں لکھا تھا کہ میں کوئی مذہبی شخص نہیں ہوں لیکن میں نے ایسا چین میں پہلی بار ایسا ہوتے دیکھا ہے۔
بہت سے لوگوں نے یہ تبصرہ کیا کہ یہ حقیقت میں کیڑے ہی ہیں جو ایک معمولی طوفان میں بہہ گئے اور بعد میں جمع ہو گئے۔
جبکہ بعض لوگوں کا کہنا تھا کہ یہ وہ کیڑے ہیں جو بہار آنے کے بعد سطح پر آگئے ہیں۔
کچھ لوگوں کا تو یہ بھی کہنا تھا کہ مارچ میں جب پہلا چاند پورا نظرآتا ہے تو اسی مظہر قدرت کی وجہ سے Full worm moonکہتے ہیں۔
دوسری جانب سوشل میڈیا صارفین کی بڑی تعداد کا کہنا تھا کہ کاریں کیڑوں سے بالکل بھی نہیں ڈھکی ہوئیں بلکہ یہ چنار کے درختوں کے بیج ہیں۔
اخبار ایل ہیرالڈو کے مطابق بیجنگ کے رہائشیوں سے کہا گیا تھا کہ وہ اس دن باہر جانے کی صورت میں اپنی چھتریاں ساتھ رکھیں، شاید شہریوں کو یہ مشورہ ہونے والی بارش کی صورت میں دیا گیا تھا، نہ کہ کیڑوں کے گرنے کی صورت میں۔
تاہم چینی حکام نے ابھی تک اس حوالے سے کوئی وضاحت نہیں کی ہے ۔
