پاکستان سپر لیگ (پی ایس ایل) سیزن 9 کے گزشتہ روزپنڈی کرکٹ اسٹیڈیم میں کھیلے گئے میچ میں اسلام آباد یونائیٹد کے بیٹر کولن منرو کی ’بال پکر‘ کے ہمراہ کیچ پکڑنے کی ایک ویڈیو وائرل ہو رہی ہے جس میں پشاور زلمی کے عامر جمال نے بلند و بالا چھکا لگایا اور بال باؤنڈری لائن پر موجود کولن منرو کے سر کے اوپر سے ہوتی ہوئی باہر چلی گئی۔
اس دوران باؤنڈری پر موجود بال پکر نے کیچ لینے کی کوشش کی تاہم وہ اس میں کامیاب نہ ہوسکا اور بال اس کے ہاتھوں سے نکل گئی۔
باؤنڈری فیلڈر کولن منرو نے بال پکر کو کیچ لینے کا صحیح طریقہ بتایا اور تھوڑی ہی دیر بعد ایک اور بلند چھکا اس کے پاس آیا جسے بچے نے کولن منرو کے بتائے ہوئے طریقے سے کیچ کیا اور کامیاب ہوا۔
کیچ لینے کے بعد بال پکر نے خوشی سے کولن منرو کو دیکھا ہے اور جواب میں کولن منرو بھی جذباتی انداز میں بچے کے پاس گئے اور اُسے گلے لگا لیا۔
اس پرجوش اور خوش کن منظر پر صارفین کی جانب سے تبصرے کیے جا رہے ہیں۔ پاکستان سپر لیگ کے آفیشل ایکس (سابقہ ٹوئٹر) اکاؤنٹ کی جانب سے ویڈیو پوسٹ کرتے ہوئے لکھا گیا کہ ڈراپ سے شاندار کیچ تک، کولن منرو گرم جوشی سے بال پکر سے مل رہے ہیں۔
From drop to dazzling catch! 😲
Ball boy redeems himself in #IUvPZ match and gets a warm hug from Colin Munro. #HBLPSL9 | #KhulKeKhel pic.twitter.com/ncTKJ0xPfr— PakistanSuperLeague (@thePSLt20) March 4, 2024
ایک صارف نے لکھا کہ یہ آج کے دن کی سب سے خوبصورت ویڈیو ہے، اور پی ایس ایل میں کتنا خوبصورت لمحہ ہے کہ کولن منرو بال پکر کو گلے لگا رہے ہیں۔
Video of the Day. ⭐
Collin Munro hugging the ball boy, what a beautiful moment in PSL. pic.twitter.com/Ve5yRA2xgw
— Johns. (@CricCrazyJohns) March 4, 2024
ایک ایکس صارف نے کہا کہ آپ کیویز سے بلیک کیپ تو لے سکتے ہیں لیکن ان کا مہذب رویہ نہیں۔
you can take that blackcap away from kiwi but not that gentelmen attitute https://t.co/ykO4dIq3kz
— RUDRAPRATAP SWAIN (@RUDRAPRATA54482) March 4, 2024
ویڈیو پر تبصرہ کرتے ہوئے ایک صارف کا کہنا تھا کہ ہم سب کو کرکٹ میں ایسے ہی رویوں کی ضرورت تھی۔
We all need these things in cricket…. great moment. https://t.co/k75t1EPW84
— BhuPs (@bhups9) March 5, 2024
واضح رہے کہ قومی ٹیم کے کپتان بابر اعظم بھی ماضی میں ایک بال پکر تھے، انہوں نے لیفٹ آرم اسپنر عبدالرحمٰن کی بال پر باؤنڈری کے باہر جنوبی افریقا کے جے پی ڈومینی کا شاندار کیچ لیا تھا۔
بابر اعظم کے کیچ کے بعد کمنٹیٹر نے کہا تھا کہ اس بچے نے جتنا اچھا کیچ پکڑا ہے اس کا کرکٹ میں اتنا ہی شاندار مستقبل ہوگا۔