صدر مملکت عارف علوی اور گورنر خیبر پختونخوا کے درمیان صوبے میں انتخابات کے حوالے سے اہم ملاقات ہوئی ہے۔
گورنر ہاؤس خیبرپختونخوا کے مطابق ایوان صدر میں صدر مملکت عارف علوی اور گورنر خیبر پختونخوا حاجی غلام علی کے درمیان اہم ملاقات ہوئی ہے۔
ملاقات میں ملکی سیاسی صورتحال پر تبادلہ خیال کیا گیا، ملاقات میں پنجاب اور خیبر پختونخوا میں انتخابات کے حوالے سے مشاورت بھی ہوئی ہے۔
گورنر خیبر پختونخوا حاجی غلام علی کا کہنا ہے کہ صوبے میں عام انتخابات سے متعلق الیکشن کمیشن کے ساتھ آج دوسرے مشاورتی اجلاس میں شرکت کروں گا۔
انہوں نے کہا کہ خیبرپختونخوا میں عام انتخابات سے متعلق سپریم کورٹ کے فیصلے پر من و عن عملدرآمد کریں گے۔
