پاکستان تحریک انصاف (پی ٹی آئی) کے رہنماؤں نے کہا ہے کہ صدارتی انتخابات جعلی ہیں، ایوان مکمل نہیں ہے، عمران خان کو کچھ ہوا تو لوگ 9 مئی کو بھول جائیں گے۔ جب کہ حکمران اتحاد نے آصف علی زرداری کے صدر منتخب ہونے کو خوش آئند قرار دیا ہے۔
مزید پڑھیں
ہفتہ کے روز پاکستان تحریک انصاف (پی ٹی آئی) کے رہنما علی محمد خان نے صدارتی انتخابات سے قبل وی نیوز سے گفتگو کرتے ہوئے کہا کہ آج فارم 45 والے بھرپور زور لگائیں گے، فارم 47 والوں نے مسائل پیدا کیے ہوئے ہیں لیکن جیت فارم 45 کی ہی ہو گی۔
انہوں نے کہا کہ بانی چیئرمین پی ٹی آئی عمران خان نے ملکی یکجہتی کے لیے بڑا پیغام دیا ہے کہ پنجابی بلوچ کے ساتھ کھڑا ہے، پٹھان پنجابی کے ساتھ کھڑا ہے، عمران خان نے ایک قوم پرست رہنما محمود خان اچکزئی کو صدارتی امیدوار کے طور پر کھڑا کر کے پیغام دیا ہے کہ لاہور بلوچستان کے ساتھ کھڑا ہے۔
ایک سوال کے جواب میں انہوں نے کہا کہ سینیٹر اعجاز کے پروڈکشن آرڈر جاری ہونے چاہییں۔ ان کی رہائی سے متعلق آج فیصلہ ہو جائے گا کہ پارلیمنٹ مضبوط ہے یا جیل کا ایک سپرنٹنڈنٹ زبادہ مضبوط ہے۔
ن لیگ کے ساتھ تبھی مل بیٹھ سکتے ہیں جب چوری شدہ مینڈیٹ کا فیصلہ ہوجائے، علی محمد
انہوں نے کہا کہ ن لیگ کے ساتھ تب ہی مل بیٹھ سکتے ہیں جب چوری شدہ مینڈیٹ کا فیصلہ ہوجائے، عمران خان نے آئی ایم ایف کو خط لکھ کر یاد دہانی کرائی ہے کہ انہوں نے صاف و شفاف انتخابات کی ضمانت مانگی تھی، ملک میں عوام کے مینڈیٹ کو نہیں مانا گیا۔
عمران خان نے محمود اچکزئی کو صدارتی امیدوار نامزد کر کے جیل سے بہت مضبوط پیغام دیا ہے، علی محمد خان#ImranKhan #PTI #MehmoodKhanachakzai #WENews pic.twitter.com/ibKMKdBNZe
— WE News (@WENewsPk) March 9, 2024
پاکستان تحریک انصاف (پی ٹی آئی) کے سینیئر رہنما شیر افضل مروت نے وی نیوز سے گفتگو کرتے ہوئے سینیٹر اعجاز کے پروٹیکشن آرڈر کے حوالے سے کہا کہ لگ رہا ہے کہ آج کی پارلیمنٹ سے تو ایک ’پٹواریٔ زیادہ مضبوط ہے۔
آصف علی زرداری جعلی ووٹوں پر صدر بنیں گے، شیر افضل مروت
انہوں نے کہا کہ جس ریاست میں قانون کی حکمرانی نہ ہو تو وہاں کچھ بھی ہو سکتا ہے۔ آصف علی زرداری جعلی ووٹوں پر صدر بنیں گے، ہمارا پہلا مطالبہ ہے کہ عوام نے جس پارٹی کو مینڈیٹ دیا ہے اس کی حکومت ہونی چاہییے۔
آج کل ایک پٹواری بھی عدالتوں اور پارلیمان سے زیادہ مضبوط ہے، شیر افضل مروت#SherAfzalMarwat #PTI #WENews pic.twitter.com/fI9zJJp7Da
— WE News (@WENewsPk) March 9, 2024
صدر مملکت عارف علوی کے حوالے سے پوچھے گئے سوال کے جواب میں انہوں نے کہا کہ صدر عارف علوی کی کارکردگی سے کسی بھی طرح سے مطمئن نہیں ہیں۔
ایک سوال کے جوا ب میں انہوں نے کہا کہ جب تک پارلیمنٹ میں ہیں، اس وقت تک اپنا احتجاج جاری رکھیں گے، مخصوص نشستوں کا مقدمہ ہر جگہ لڑیں گے، ایوان اسی طرح چلے گا جس طرح یہ چلانا چاہتے ہیں، ایوان میں ان کی 15 فیصد نمائندگی ہے، جن لوگوں نے اس سسٹم کو ٹھیک کرنا ہے وہ خاموش بیٹھے ہوئے ہیں۔
عمران خان کو کچھ ہوا تو لوگ 9 مئی کو بھول جائیں گے، شیر افضل مروت
انہوں نے مزید کہا کہ محمود اچکزئی کو اینٹی اسٹیٹ قرار دینا انتہائی افسوس ناک ہے، اڈیالہ جیل سے دہشت گردوں کی گرفتاری کے بعد ہم کہتے ہیں کہ اگر عمران خان کو کچھ ہوا تو لوگ 9 مئی کو بھول جائیں گے۔
اگر عمران خان کو کچھ ہوا تو لوگ 9 مئی بھول جائیں گے، شیر افضل مروت @sherafzalmarwat @PTIofficial #WENews pic.twitter.com/PDdlHCAUwP
— WE News (@WENewsPk) March 9, 2024
صدارتی انتخابات چیلنج کرنے کا فیصلہ بعد میں کریں گے، عمر ایوب
پاکستان تحریک انصاف ( پی ٹی آئی) کے سیکریٹری جنرل عمر ایوب نے کہا کہ مخصوص نشستوں کا معاملہ جوں کا توں ہے، پاکستان تحریک انصاف کی مخصوص نشستیں کہاں گئیں، وہ ہمیں دی جائیں، ایوان مکمل نہیں ہے ہم مطالبہ کر چکے ہیں کہ صدارتی الیکشن ملتوی کیے جائیں۔ صدارتی الیکشن چیلنج کریں گے یا نہیں ابھی فیصلہ نہیں کیا۔ ایک سوال کے جواب میں انہوں نے کہا کہ عارف علوی نے کوئی غیر آئینی کام نہیں کیا۔
یہ الیکشن غیر قانونی ہیں ، صدراتی الیکشن ملتوی ہونے چاہیے، عمر ایوب کی گفتگو #PTI #Omarayub #WENews pic.twitter.com/7Ua1XBaP7B
— WE News (@WENewsPk) March 9, 2024
مسلم لیگ ن کے سینیئر رہنما عطا تارڑ نے کہا کہ صدارتی انتخابات کے بعد اگلے 24 گھنٹوں میں کابینہ کے نام سامنے آ جائیں گے، صدارتی انتخابات ہو رہے ہیں اپوزیشن کو احتجاج نہیں کرنا چاہیے، ہم اس عمل کا احترام کر رہے ہیں، پارلیمنٹ میں بیٹھ کر سیگریٹ بھی نہیں پینے چاہیں۔
آصف زرداری کو بھرپور حمایت حاصل ہے، عطا تارڑ
صدارتی انتخابات کے بعد اگلے 24گھنٹوں میں کابینہ کے نام سامنے آجائیں گے۔ عطااللہ تارڑ کی گفتگو #Ataullahtarar #Cabinet #WENews pic.twitter.com/rEbKO7CVyY
— WE News (@WENewsPk) March 9, 2024
انہوں نے کہا کہ ہمارا سب کچھ طے ہو چکا ہے آصف علی زرداری کو اتحادی جماعتوں کی بھرپور حمایت حاصل ہے، وہ بھاری اکثریت سے ہی صدر منتخب ہوں گے۔
ایوان میں کسی کو اینٹی اسٹیٹ بات نہیں کرنے دوں گا، ایاز صادق
پاکستان کے خلاف کسی کو بات نہیں کرنی چاہیے، اسپیکر قومی اسمبلی ایاز صادق کی گفتگو #ayazsadiq #Nationalassembly #Pakistan pic.twitter.com/yriBhnLbjK
— WE News (@WENewsPk) March 9, 2024
قومی اسمبلی کے اسپیکر ایاز صادق نے کہا کہ پاکستان کے خلاف کسی کو بات نہیں کرنی چاہیے، اگر کسی نے ملک مخالف بات کی تو میں اس کو بات نہیں کرنے دوں گا۔
آصف علی زرداری سب کے لیے قابل قبول ہیں، پرویز اشرف
سابق اسپیکر قومی اسمبلی راجہ پرویز اشرف نے وی نیوز سے گفتگو کرتے ہوئے راجہ پرویز اشرف نے کہا کہ آصف زرداری پہلے بھی ایوان کی سربراہی کر چکے ہیں وہ انتہائی منجھے ہوئے سیاستدان ہیں، وہ سب کے لیے قابل قبول ہیں، وہ ایک تجربہ کار سیاستدان ہیں۔
نواز شریف ووٹ آصف علی زرداری کو ہی دیں گے، راجہ پرویز اشرف #Nawazsharif #PMLN #PPP #WENews pic.twitter.com/hdrvqgsXtw
— WE News (@WENewsPk) March 9, 2024
آصف علی زرداری کے انتخاب سے ایک گھٹن کا ماحول ختم ہو گا، وہ سب کو ساتھ لے کر چلنے کی صلاحیت رکھتے ہیں، آصف علی زرداری اور محمود اچکزئی دونوں چھوٹے صوبوں سے ہیں۔
کابینہ اچھی بننی چاہیے، ہم نے کوئی وزارت نہیں مانگی، فاروق ستار
متحدہ مہاجر قومی موومنٹ (ایم کیو ایم) کے سینیئر رہنما فاروق ستار نے وی نیوز سے گفتگو کرتے ہوئے کہا کہ وفاقی کابینہ کے لیے ہم یہی کہیں گے کہ دیر آید درست آید، بلے اس میں تاخیر ہو لیکن کابینہ اچھی بننی چاہییے۔
وفاقی کابینہ درست آنی چاہیے بے شک دیر سے آئے ، ہم نے کوئی وزارت نہیں مانگی ، ایم کیو ایم کے رہنما فاروق ستار کی گفتگو #FarooqSattar #MQM #WENews pic.twitter.com/UDrpM2rDSX
— WE News (@WENewsPk) March 9, 2024
انہوں نے کہا کہ ہم حکمران اتحاد میں ضرور شامل ہیں لیکن ہم نے کوئی وزارت نہیں مانگی، ہم چاہتے ہیں کہ مفاہمت کی موجودہ فضا آگے بھی جاری رہنی چاہیے کیوں کہ مفاہمت کے بغیر جمہوریت کی یہ پٹری آگے نہیں بڑھ سکتی۔
ایک سوال کے جواب میں انہوں نے کہا کہ ہم نے کوئی وزارت مانگی ہے نہ ہی کوئی چوائس پیش کی ہے۔ اتحادیوں کی جانب سے کوئی پیش کش ہوئی تو پھر فیصلہ کریں گے کہ ہمیں کیا کرنا چاہیے۔
