بلوچستان کے علاقے خضدار میں نامعلوم شرپسندوں کی جانب سے نجی گاڑی میں نصب کی گئی ڈیوائس کے دھماکے نے 2 افراد کی جان لے لی۔
پولیس کے مطابق دھماکے کے فوری بعد امدادی ٹیمیں موقع پر پہنچیں اور لاشوں کو ڈی ایچ کیو ہسپتال خضدار منتقل کردیا گیا جبکہ سیکیورٹی فورسز نے علاقے کو گھیرے میں لے کر سرچ آپریشن شروع کردیا۔
پولیس نے بتایا ہے کہ جاں بحق افراد کی شناخت نوید احمد اور امان اللہ کے نام سے ہوئی ہے ۔
https://twitter.com/Deedagbaloch32/status/1635664082689728512?s=20
صوبے کوعدم استحکام کاشکارکرنے کی سازش ناکام بنائیں گے،وزیراعلیٰ بلوچستان
دوسری جانب وزیراعلیٰ بلوچستان عبدالقدوس بزنجو نے خضدار میں بم دھماکے کی شدید الفاظ میں مذمت کرتے ہوئے کہا ہے کہ دہشت گرد معصوم شہریوں کو بربریت کا نشانہ بنارہے ہیں مگر ہم صوبے کو عدم استحکام سے دوچار کرنے کی سازشوں کو ناکام بنائیں گے۔
عبدالقدوس بزنجو کا کہنا تھا کہ دہشت گردی کے واقعات کی بھرپور مذمت ہونی چاہیے اور ہمیں دہشت گردوں کے خلاف متحد ہو کر کھڑا ہونا چاہیے۔
وزیراعلیٰ بلوچستان نے خضدار میں سیکیورٹی اقدامات کو بھی مزید موثر بنانے کی ہدایت کردی ہے۔
