آج اڈیالہ جیل میں بانی پی ٹی آئی سے ملاقات کا دن ہے۔ پنجاب پولیس نے اڈیالہ جیل کے باہر میڈیا کوریج پر پابندی لگا دی ہے۔ میڈیا بانی پی ٹی آئی سے ملاقات کرنے والوں کی کوریج کرتا ہے، تاہم پولیس نے اڈیالہ جیل کے گیٹ نمبر 5 کے باہر میڈیا گاڑیوں کی پارکنگ پر بیریئر لگا دیے۔
پولیس نے اڈیالہ جیل کے باہر میڈیا کیمروں والی جگہ پر بھی قناتیں لگادیں، اس حوالے سے موقع پر موجود سکیورٹی اہلکار نے کہا ہے کہ میڈیا کو آج کوریج کی اجازت نہیں۔ سکیورٹی اہلکار نے کہا کہ میڈیا ٹیمیں جیل سے 2 کلو میٹر دور چلی جائیں۔
صحافی عمران اصغر نے ایک ویڈیو سماجی رابطوں کی سائیٹ ایکس (سابقہ ٹوئٹر) پرشیئر کرتے ہوئے لکھا کہ یکم رمضان اڈیالہ جیل گیٹ 5 پر میڈیا کوریج پر پابندی لگادی گی، کیمروں کی جگہ قناتیں، ڈی ایس این جیزکی جگہ بیرئیر لگادیے، راولپنڈی پولیس کے شیر جوانوں نے میڈیا نمائندوں کے کھڑے ہونے پر بھی پابندی لگادی ہے۔
یکم رمضان اڈیالہ جیل گیٹ 5 پر میڈیا کوریج پر پابندی لگادی گی، کیمروں کی جگہ قناتیں، ڈی ایس این جیزکی جگہ بیرئیر لگادئیے، راولپنڈی پولیس کے شیر جوانوں نے میڈیا نمائندوں کے کھڑے ہونے پر بھی پابندی لگادی ہے،@MaryamNSharif @OfficialDPRPP @GovtofPunjabPK @CMShehbaz pic.twitter.com/mavcMd70jU
— Imran Asghar (@Imranbold) March 12, 2024
صحافی ثاقب بشیر نے ویڈیو پر تبصرہ کرتے ہوئے لکھا کہ یہ عجیب و غریب حرکتیں کیوں کرتے ہیں؟
یہ عجیب و غریب حرکتیں کیوں کرتے ہیں ؟ https://t.co/jbrkE0mTba
— Saqib Bashir (@saqibbashir156) March 12, 2024
تحریک انصاف کے حامی ایک صارف نے کہا کہ اب یہ عمران خان کے ساتھ کیا کرنے جا رہے ہیں؟
اب خان صاحب کے ساتھ کیا کرنے جا رہے ہیں 😭😭😭 https://t.co/nP97dLk3r2
— Aisha khan 🇵🇰 کپتان کی شیرنی🏏 (@ayesha_aishu8) March 12, 2024
سارہ نامی صارف نے لکھا کہ اڈیالہ جیل کے باہر رکاوٹیں کھڑی کردی گئیں، عمران خان سے ملاقاتوں کی میڈیا کوریج پر پابندی لگادی گئی، اڈیالہ کے باہر ملاقاتی جن میں پی ٹی آئی رہنما، وکلا، اور خاندان کے افراد شامل ہیں وہ میڈیا ٹاک نہ کر سکیں اس لیے میڈیا کو 2 کلومیٹر دور جانے کا حکم دیا گیا ہے، انہوں نے لکھا کہ ایک عمران خان کا کتنا خوف ہے۔
کتنا خوف ہے ایک اکیلے عمران خان کا !!
اڈیالہ جیل کے باہر رکاوٹیں کھڑی کردی گئیں- عمران خان سے ملاقاتوں کی میڈیا کوریج پر پابندی لگادی گئی، اڈیالہ کے باہر ملاقاتی PTI راہنما وکلا فیملی ارکان میڈیا ٹاک نہ کریں- میڈیا کو دو کلومیٹر دور جانے کا حکم-
— Sarah 🇵🇰 (@sarah_rasheed) March 12, 2024
دوسری جانب بانی پی ٹی آئی عمران خان سے اڈیالہ جیل میں ملاقاتوں پر پابندی عائد کردی گئی۔ ذرائع کے مطابق اڈیالہ جیل میں عمران خان سے ملاقاتوں پرپابندی کا فیصلہ محکمہ داخلہ پنجاب نے کیا ہے جس کا اطلاق 2 ہفتوں کے لیے ہوگا۔ اس پابندی کے خلاف پی ٹی آئی نے اسلام آباد ہائیکورٹ میں درخواست جمع کروا رکھی ہے اور سماعت جاری ہے۔