چیف سیکریٹری سندھ ڈاکٹر فخر عالم کے تبادلے کے بعد سید آصف حیدر شاہ کا بطور چیف سیکریٹری سندھ کی تقرری کا نوٹیفیکیشن جاری کردیا گیا ہے، اس تعیناتی سے قبل گریڈ 22 کے افسر آصف حیدر شاہ وفاقی سیکریٹری موسمیاتی تبدیلی اور ماحولیاتی رابطہ تعینات تھے۔
سید آصف حیدر شاہ نے 1993 میں سول سروس آف پاکستان میں شمولیت اختیار کی تھی، وہ بطورکمشنرحیدرآباد اورکمشنرکراچی بھی اپنے فرائض سرانجام دے چکے ہیں، آصف شاہ نے بطوراسپیشل سیکریٹری کیبنٹ ڈویژن بھی اپنی ذمہ داریاں نبھا چکے ہیں۔
آصف حیدر شاہ وفاقی سیکریٹری وزارت ثقافت اور وفاقی سیکریٹری پاور ڈویژن بھی رہ چکے ہیں، پیشے کے لحاظ سے سول انجینئر ہیں، انہوں نے آئی بی اے کراچی سے ایم بی اے کی ڈگری بھی حاصل کررکھی ہے، وہ ہارورڈ یونیورسٹی سے ماسٹرز جبکہ ہارورڈ سمیت اسٹینفرڈ یونیورسٹی سے فیلوشپ بھی حاصل کرچکے ہیں۔
