گزشتہ روز ملتان سلطانز اور کوئٹہ گلیڈی ایٹرز کے درمیان کھیلے جانے والے پہلے مرحلے کے آخری میچ میں جیسن رائے اور افتخار احمد کے درمیان تلخ کلامی ہوئی دونوں کھلاڑیوں نے ایک دوسرے پر جملے کسے اور غصے کا اظہار کیا۔ دونوں کھلاڑی بیٹنگ میں جارحانہ انداز اپنانے کے لیے مشہور بھی ہیں۔
Heated moment between Jason Roy and Iftikhar Ahmed during a PSL match.#PSL2024pic.twitter.com/ZK5GaSuzV8
— Don Cricket 🏏 (@doncricket_) March 13, 2024
پہلے مرحلے کے لیے کھیلے جانے والے آخری میچ میں کوئٹہ گلیڈی ایٹرز کے بلے باز جیسن رائے ملتان سلطانز کے خلاف بیٹنگ کرتے ہوئے جلدی آؤٹ ہوگئے، فیلڈنگ پر موجود افتخار احمد نے خوشی کا اظہار کرتے ہوئے ہاتھ سے اشارہ کیا اور طنزیہ جملے بھی کسے جس پر جیسن رائے غصے میں آگئے۔
مزید پڑھیں
جیسن رائے نے افتخار احمد کی بات کا جواب دیا جس پر افتخار احمد مزید غصے میں آگئے، دوسری جانب جیسن رائے بھی غصے میں موجود دکھائی دیے، اور پویلین کی جانب لوٹنے سے پہلے افتخار احمد کے جملوں کا جواب دیا۔
دونوں کھلاڑیوں کے درمیان تکرار کے دوران ملتان سلطانز کے کپتان محمد رضوان بیچ میں آگئے اور معاملے کو رفع دفع کرایا۔ بعد ازاں جیسن رائے غصے کی حالت میں ڈریسنگ روم میں پہنچے اور اپنے گلوز، ہیلمیٹ اور پیڈز ہوا میں پھینک دیے۔
When you refuse an IPL contract and they won't call you anymore
JASON ROY AND IFTIKHAR AHMED HAVING A GO AT EACH OTHER pic.twitter.com/HHh4fbuIWh pic.twitter.com/BIm2jNK7y0— TopTrends90 (@TopTrends90) March 12, 2024
واضح رہے کہ گزشتہ روز کھیلے جانے والے آخری لیگ میچ میں ملتان سلطانز نے کوئٹہ گلیڈی ایٹرز کو 79 رنز سے شکست دی۔ کوئٹہ گلیڈی ایٹرز اور ملتان سلطانز کی ٹیموں کے درمیان پی ایس ایل کا آخری لیگ میچ کراچی کے نیشنل اسٹیڈیم میں کھیلا گیا۔
ملتان سلطانز کی ٹیم نے مقررہ 20 اوورز میں 4 وکٹوں کے نقصان پر 185 رنز بنائے، جبکہ جواب میں کوئٹہ گلیڈی ایٹرز کی ٹیم 15.5 اوورز میں 106 رنز بنا کر آؤٹ ہوگئی۔
