نیوزی لینڈ کا دورہ پاکستان، کب اور کہاں میچز کھیلے جائیں گے؟

نیوزی لینڈ کرکٹ ٹیم کے دورہ پاکستان کے لیے شیڈول کا اعلان کردیا گیا ہے، جس کے مطابق نیوزی لینڈ کی کرکٹ ٹیم 14 اپریل سے پاکستان کا دورہ کرے گی، اس دوران دونوں ٹیموں کے درمیان 5 ٹی20 انٹرنیشنل میچز کھیلے جائیں گے۔

شیڈول کے مطابق دونوں ٹیموں کے درمیان ابتدائی 3 میچز 18، 20 اور 21 اپریل کو راولپنڈی میں کھیلے جائیں گے، جس کے بعد لاہور 25 اور 27 اپریل کو سیریز کے بقیہ 2 ٹی20 انٹرنیشنل کی میزبانی کرے گا۔ ٹی20 سیریز کے تمام 5 میچز رات 7 بجے شروع ہوں گے۔

نیوزی لینڈ کی کرکٹ ٹیم کا 17 ماہ کے عرصے میں پاکستان کا تیسرا دورہ ہے، اس سے قبل نیوزی لینڈ نے دسمبر 2022 اور جنوری 2023 میں 2 ٹیسٹ اور 3 ون ڈے میچوں کی سیریز کے لیے پاکستان کا دورہ کیا تھا۔

واضح رہے نیوزی لینڈ کی ٹیم 2023 کے آخر میں 10 وائٹ بال میچزکھیلنے کے لیے پاکستان آئی تھی اور یہ میچز لاہور، راولپنڈی اور کراچی میں کھیلے گئے تھے۔

سیریز کا شیڈول

14 اپریل  کو نیوزی لینڈ کی پاکستان آمد ہوگی، 16 اور 17 اپریل کو پریکٹس سیشن ہوگا۔ پہلا ٹی20 انٹرنیشنل 18 اپریل کو راولپنڈی کرکٹ اسٹیڈیم میں کھیلا جائے گا۔

دوسرا ٹی20 انٹرنیشنل 20 اپریل کو، تیسرا ٹی20 انٹرنیشنل 21 اپریل کو راولپنڈی میں ہی کھیلا جائے گا۔

 چوتھا اور پانچواں ٹی20 انٹرنیشنل 25 اپریل اور 27 اپریل کو لاہور کے قذافی اسٹیڈیم میں کھیلا جائے گا۔