بالی ووڈ کے لیجنڈ اداکار امیتابھ بچن کو اچانک طبیعت ناساز ہونے پر اسپتال منتقل کیا گیا جہاں ان کا ایک آپریشن بھی کیا گیا۔
مزید پڑھیں
بھارتی میڈیا کے مطابق، امیتابھ بچن کو سانس لینے میں تکلیف کی شکایت تھی، جس کے بعد انہیں ممبئی کے ایک اسپتال داخل کرایا گیا، جہاں ان کے دل کا آپریشن کیا گیا۔
81 سالہ لیجنڈ اداکار کو ممبئی کے کوکیلا بین اسپتال منتقل کیا گیا تھا، جہاں ڈاکٹروں نے معائنے کے بعد ان کی اینجیو پلاسٹی تجویز تھی۔
میڈیا رپورٹس کے مطابق، آپریشن کے بعد کہا جا رہا ہے کہ امیتابھ بچن اب بہتر محسوس کر رہے ہیں۔ آج صبح امیتابھ بچن نے ’ایکس‘ پر کچھ پیغامات بھی شیئر کیے۔
ایک پیغام میں انہوں نے اپنے چاہنے والوں سے کہا کہ وہ ہمیشہ ان کے شکر گزار رہیں گے۔
T 4950 – in gratitude ever ..
— Amitabh Bachchan (@SrBachchan) March 15, 2024
بعد ازاں انہوں نے ایک اور ٹویٹ کی جس میں انہوں نے ایک ویڈیو شیئر کی۔ اس ویڈیو میں وہ اپنی انڈین اسٹریٹ پریمیئر لیگ ٹیم کو سپورٹ کر رہے ہیں۔
T 4950 – Aankh kholke dekh lo, kaan lagake sun lo,
Majhi Mumbai ki hogi Jai Jaikaar, yeh baat ab maanlo.@ispl_t10
@majhimumbai_ispl#neeti_puneet_agrawal#sachintendulkar #ravishastriofficial#amol_kale76 #surajsamat #advocateashishshelar#Street2stadium #NewT10Era… pic.twitter.com/zPUuWgoGXr— Amitabh Bachchan (@SrBachchan) March 15, 2024
واضح رہے کہ امیتابھ بچن کی طبعیت ناسازی کی خبر سامنے آنے کے بعد ان کے چاہنے والے بہت زیادہ پریشان ہوگئے تھے اور ان کی طبعیت کے بارے جاننے کے لیے اطلاعات کا بے چینی سے انتظار کر رہے تھے۔
امیتابھ بچن کی رواں برس جنوری میں کلائی کی سرجری ہوئی تھی جبکہ گزشتہ برس وہ اپنی فلم کالکی 2898 AD کی حیدر آباد میں شوٹنگ کے دوران زخمی ہوگئے تھے۔